Bli-Ny-Dag for taklampa

I trappegangen måtte vi ha ny taklampe.

Lampa blei kjøpt på Ikea for ein liten penge.
Eg fann fram ei lita borremaskin,
blondar,
krystallar av ymse slag
og nokre perler.

Kjekt arbeid som alle kan klare:)

Lampa blei brukande den.
Det er ikkje usannsynleg at del 2 av Bli-ny-dagen
fører til litt meir glitter og stas.
Vi får sjå:)

No ventar eg berre på at kjæresten skal kome ein tur
og henge den opp.

Nostalgisk bakst

Kostholdsendring betyr meir arbeid på kjøkkenet,
slik er det berre.
Det å finne gode arbeidsrutiner er ei utfordring
og eg er so takksam for at eg har tid og anledning
til å gi meg sjølv og ungane mine denne gåva.

Eg bakar gluten-, sukker- og melkefrie rundstykker.
Det må innrømmast at dei ikkje er like gode som bakaren sine,
men dei mettar mykje meir og gjer veldig godt for kropp og sjel.

Bakeklede er eit omgjort blondeforkle som eg har vore so heldig å få,
likeeins bakebollen.
Den er utruleg vakker!
Det er ein fryd å bake når ein har det fint rundt seg:)

*kremt*
kvar var strykejarnet og strykelysta?
Borte!

Rundstykker på etterheving.
Bakeklede er heimesydd.

Ungane brukar kalkunskinke og grønnsaker på, mykje grønnsaker:)
Eg synes det er godt med eggerøre og røykalaks.

Eit lite supertips, sånn på tampen:
Eg frys ned ei halv flaske (2.5 dl)
med favorittjuicen kvelden før.

Om morgonen tek eg den opp
og fyller opp med juice frå kjøleskåpet.
Vips!
Iskald juice til lunsj.

Eg, midtsidepiken i Haramsnytt!

Det er ikkje berre-berre å vere kjendis:)

Fått roser og ikkje har hjarte til å kaste dei når dei byrjar å tørke?

Klipp av stilken og putt dei ned i eit fint glas og nyt synet ei stund til:)

Klikk på bilete om du vil lese heile artikkelen.

Ellemeller er i Haramsnytt.
Det har tikka inn sms`ar og telefonar heile morgonen
og eg ventar autografjegarar og paparazzi bak hushjørna;)
Det er jammen slitsomt å vere kjendis.

Artikkelen har gått ut i heile Haram, som masseutsending,
det vil seie at no veit alle i kommuna korleis eg har det i stova mi
og på soverommet mitt...
for ikkje å snakke om at dei har fått vite at eg et mengder med chilisjokolade.
Då skjønar dei sikkert kvifor eg ser ut som ein tvangsfòra kanin på bilete òg;)

Men kjekt er det, åkkesom!


(Når du først er innom so kan du ta turen til
lillesøs Lillelavendel
med det same, ho tek dei lekraste bileta!)

Jenta Med Tennstikkene som leika med ilden.

Eg trur det er ei meining med at eg aldri blei fyrbøtar,
der hadde eg ikkje gjort suksess,
for å sei det mildt.
Eg er meir som Jenta Med Tennstikkene...

Vi frys, det trekkjer frå eine vindauget
og verandadøra er ikkje heilt tett.
Fyringsolja eg har fått med lillebror (som slettes ikkje er liten) har ikkje kome på plass heller. Alle tre tinga står og ventar på at kjæresten skal kome oppover.
Berre to veker igjen.

I mellomtida held eg meg varm ved å måle, sy og blogge.
I dag har eg grunna stolen og eine hjørneskåpet,
gjett om eg er glad for at eg brukte "Grunning for sperring/isolering".
For skåpet var beisa, slik eg mistenkte.
Då slepp eg å måle og måle og måle,
berre for å oppleve at beisen trekkjer gjennom og kvitfargen blir gul.

Så til dagens supertips!:
Når eg har måla med oljebasert måling legg eg kosten i frysaren,
innpakka i plastpose med knute på,
neste gong eg skal måle med den fargen
(eg merkar sjølvsagt posen med type måling og farge)
tek eg den opp, let den ligge i ca eit kvarter på benken og poff!
klart til måling!!
Smart??
Eg hatar nemleg rot og søl med white sprit og sånn...

Herlighet som eg skravlar...
det eg eigentleg skulle vise var bileta eg fann i fjor,
eg hadde tenkt å måle rammene, kaste bileta og finne på noko lurt.
Men, etter å ha tenkt meg litt om so trur eg jammen eg beheld dei slik dei er!
Eller?
Kva meinar du?

Til slutt vil eg takke for alle koselege kommentarane på bloggen min,
eg er heilt overvelda og mållaus!
Det varmar eit iskaldt ;) hjarte å lese at eg inspirerar
og at de likar dykk på bloggen min!!

Fikse stygge rammer

For nokre år sidan kjøpte eg 4 ultrastygge rammer på Ikea,
dei var billige og eg tenkte at eg sikkert klarte å fikse dei fine.
Dei var lys grasgrøne og sennepsgule,
i eit mystisk stoff likt det som brukast i flanellografar
(om slikt blir brukt lenger).

Eg fekk tak i gips, ikkje hobbygips,
men ein hardare type og dytta gipsen på med ein målepensel,
20 mm.
Tålmodighetsarbeid!

Det blei ordentleg fint!
Rammene skal få seg ein overhaling igjen i løpet av veka,
dei har fått nokre skader under flytting,
gips er ikkje spesielt flyttevennleg:)

Bileta er frå den kalenderen eg skreiv om forrige veke.
Jugendbilete fyller kalenderen og eg har hatt problem med å velje dei tre finaste.

Kunstnaren er Alphonse Mucha (1860-1939),
ein av dei dyktigaste og mest brukte reklameplakatmålarane vi har hatt.
Mucha måla fantastiske kvinner med lekre kreasjonar og hår,
begge deler dandert på det mest kunstneriske.
Han var med på å gjere Art noveau kjend og elska.
-den som kunne leve på den tida der-

Salander, I Love You!

Eg har "gnukka" bokstavar på fleire potter:)

Boksane, kommoden, skuffa og lintøyskåpet har fått to strøk,
og eg har byrja å tenke på ulljakka eg skal sy... men...

Det er ei dame som forstyrrar motivasjonen til å halde på med alle prosjekta mine!

Lisbeth Salander!
Denne rollefiguren er so kul at eg får frysningar berre av å tenke på ho:)
Eg gler meg so sinnsykt til filmen kjem på kino, berre 9 dagar til!!
Eg les "Jenta som lekte med ilden" og klarer ikkje å legge den frå meg.
Det er den 10. eller 11. boka eg har lese sidan sommarferien
og eg har ikkje opplevd liknande driv!

I kveld har eg tent lys og skal kose meg med slutten
(eg har då brukt 3 dagar på å lese den)

Men! i MORGON skal eg fortsette på prosjekta mine...
om eg ikkje byrjar på "Luftslottet som sprengtes"
;)

*
Vi har hatt middagsgjestar i dag.
Eg har servert marinert kalkunbryst med verdens beste lune potetsalat.
Muligens legg eg ut oppskrift ein annan dag:)

Princess og den eine middagsgjesten hadde show for oss og eg lo so tårane trilla.
Dei dansa og sang, begge er gode skodespelarar:)

*
Kjæresten blei innlagt på sjukehus i dag,
eg er litt bekymra,
men mest glad for at han endeleg blir tatt på alvor
(og at han skjønar alvoret sjølv).

Det har vore ein dag utan pause, med andre ord:)

Morgonstund har gull i munn...i grunn...

Nokre kveldar blir seinare enn andre, i går kveld hadde eg ein sånn kveld
(las ferdig "Øya")
Konsekvensen er oftast at eg blir stuuptrøytt dagen etter:)

I dag tidleg var ein slik morgon
og eg gjekk og la meg på senga igjen etter å ha vekt ungane,
Junior og Princess kom og la seg i lag med meg ei stund,
vi kosa, prata og tok siste gjennomgong av engelskglosene...
Sånne morgonstunder likar eg!

Princess sto opp og styra litt på kjøkkenet ei stund og kom inn på soverommet med eit brett med frukost til oss; brødskiver med spekemat og potetsalat og ein kopp med urtete!
Er ikkje ho eit gull, vel??

Rett skal vere rett... dette har skjedd halvparten av morgonane sidan skulestart.
Eg er rett og slett bortskjemt:)

Bordlampane har eg kjøpt på Ikea,
kjæresten har justert litt på skjermfestet,
eg har kjøpt lysmansjettar i glass og simsalabim!

Orkidèen har eg fått av ei god venninne
og eg er mektig stolt over at eg har klart å halde liv i den i fleire månader

No står koffertane ferdig pakka, vi er straks klare for avreise!
Det blir godt med ei helg åleine saman med deg igjen, kjæresten:)

...Love is in the air...

I sommar fann eg nøytrale, litt høge og veldig kjedelege potteskjularar på Plantasjen.
Eg har angra på kjøpet sidan eg sette dei i vinduskarmen.

Men so kom eg på ein lur idè!

Forrige veke kjøpte eg nokre sånne gnugge-ark :)
(det heiter kanskje overføringsark?)
På det eine settet står det "love" i ymse variantar
og på det andre "dream".

Det var gjort på ein poff og ein smell!

Eg saknar verkeleg litt love i huset her...
men,
til helga skal eg besøke kjæresten og då blir det kanskje til ein liten suss midt på truten.

Forøvrig so har eg vore til Kristiansund i dag, henta vedovnen.
6 timar i bil og sliten rygg, men likevel blid som ei sol!!
Det blir verkeleg fint!

Kva skal eg gjere?

Eg har fått ei stilig stålampe, men den manglar skjermar...
Eg har vore på jakt etter rette sorten,
men det var ikkje berre-berre, gitt!

Nokon som har eit tips på korleis eg skal løyse verdsproblemet??

Eg har ei venninne som har ein veldig sterk mann...
Han et slikt proteinpulver i dungevis og musklane står rett ut,
ganske stilig igrunn.
(det ligg visst ganske mykje trening bak, i tillegg da:)

Ein dag kom ho med desse to store boksane og lurte på om eg trengte dei.
Nokon kjenner meg betre enn andre:)
Eg samlar på A.L.T.!
Hm.. kva skal eg bruke dei til, skal tru??
Eg har ein liten plan... men kanskje du tenker på noko som er lurare??

So til slutt, litt skryt av meg sjølv, i sann Pippi-ånd.
Resten av veden kom i hus i dag...
"Ser du kjæresten?
Eg er vel den flinkaste kjæresten du har?? "
:)

No kan berre den nye vedovnen kome, den er velkomen:)

Oppskrift med gresk stemning.

Annakvart år reiser mamma og eg på tur saman.
Vi har vore på Skiathos (fantastisk øy!!), Kreta og i år var vi i Parga.
Det er ikkje mogleg med ord å fortelje kor fint der er, det må opplevast!
Lite, pittoresk og sjarmerande.

Og... kor lett er det å plukke ut bilete til bloggen... eg har fleire hundre å velje mellom. *sukk*
Eit lite knippe, altfor lite knippe:)

Ellemeller nyt utsikta frå "The Castle" mot stranda vår.
Eg ser litt anspent ut, med rette, gudane må vete kor høgt det var rett ned....
og eg har høgdeskrekk.

Ein slik ein vil eg ha i hagen min!!

Vi var på dagstur til Albania, av alle plassar!
Her er "ferga" som vi tok over kanalen.
4 bilar og ørten ståplassar, på eige ansvar.
Det var litt tøft:)
(klikk på bilete for å sjå galskapen på ordentleg)

Ruinar i kilometervis! Eg hadde aldri trudd at eg skulle bli imponert etter at eg var på Akropolis for to år sidan, men.... fy flaten, dette var so imponerande!!
Vi gjekk mellom godt bevarte bygningar i lang tid og stadig dukka det opp spanande saker. Guiden visste alt og meir til.
Skal eg fortelje alt han fortalde so blir eg ikkje ferdig på denne sida av nyttår:)

Saranda, badeby i Albania.
Og eg... som trudde at Albania var eit grått og trist land med berre elende.
Nånei, dei bur seg på turisme dei òg.

Seilbåttur er obligatorisk. Vi var ein tur til havs, var innom "Blue cave" (har ikkje alle greske øyar ei slik grotte??) , Antipaxos og so åt vi lunsj på Paxos. Søt øy, lite badestrender.

Og, vi såg delfinar!! Eg sat heilt framme, med sjøen under beina og såg delfinane svømde under meg. Det var ganske gøy!

Tusen takk mamma for enda ein herleg tur!

*

So, til oppskrifta.
Eg har fått nokre spørsmål om korleis eg stryk serviettar på stearinlys.
Enkelt og greit:
Klipp til motivet slik du vil ha det og slik at det passar på det lyset du skal bruke.
Ta av det ytterste laget på servietten, sett strykejarnet på lav temp.
Legg motivet på lyset og stryk forsiktig på.
Ver lett på handa og for all del, ikkje la jarnet ligge for lenge på same plassen.
Eg kjøpte eit billeg strykejarn til formålet,
so er eg sikker på å ikkje rote stearin på tekstilane mine.

Lykke til!

Guuri, so koseleg!

Eg har kome heim att frå ferie.
Med 5 koffertar, 5 handbagasjer og 2 born på slep fekk eg baksa meg inn på flybussen på eit vis.
Det var godt å kome heim, få pakke ut alle fine greiene eg har kjøpt på tur.

Nesten alle blomane mine levde (mellomste har vore flink, ho har tross alt berre lysegrøne fingrar og knappast det)
Maten eg hadde lagt i kjøleskåpet for at ho kunne ta det med heim låg fortsatt i kjøleskåpet og såg ikkje fullt so frisk ut lenger:)
Kjøkkenbenken var full av post... og då meinar eg full! Reklame, reklame og reklame...
men midt oppi all denne reklama låg det ein pakke!
Jøss, so spanande då!

Lykkeliten hadde sendt meg pakke berre fordi at eg har vore inne på bloggen hennar og skrive til ho... hallo?!? :) Bloggen hennar er fin... og då må ein skrive det, synest eg. :)

Denne engelen skal få ein plass kor den synest godt.

Serviettane fekk det til å krible i fingrane mine
... hm...
hadde ikkje eg eit serviett/lysprosjekt på gong som eg ikkje rakk før ferien?
Fram med strykejarnet!

Eg har ikkje gjort dette før og var veldig spent...
Eitt lys er klart og det gjekk som ein draum!!

Vart ikkje lysa fine?

No er det kveld og eg kosar meg med nyoppussa lys og ein kopp med eple og kanel-te.
Herlig!!

Tusen takk Lykkeliten, det var veldig koseleg!!

Eg er den heldigaste jenta i verda!

Vi har vore i Sverige og der!! fann eg treskoa eg har ynskja meg!


Dei er so søte at eg faktisk hadde dei ståande nedanfor senga første natta...


Og eg har brukt dei kvar dag:)

Til hausten kan eg ta på tjukke strømper og trippe lukkeleg avgarde.

Eg pakka i litt for full fart då eg dro nedover til kjæresten og hadde gløymd kvite sko. Krise! (Ei lita stund...) Den fiksa vi fort, eg fekk kjøpt meg eit par veldig billige plastsko på Nille, men likte ikkje dei grøne banda... vips, ein tur til H&M, kjøpte eit par strikkhårband som eg sydde på. Skoa blei søte dei. Fine hagesko, faktisk:)

Hummar og kanari (-fuglar)

Meir shopping.

Kjæresten er dønn sliten i beina og smilet mitt blir breiare og breiare. Ikkje nok med at eg har lurt han med på butikkrunde i dag (igjen), men eg har òg lurt han til å hjelpe meg med å setje saman bilete. Simsalabim, det var jo ikkje so vanskeleg vel?

Fuglane skal sitje i fugleburet mitt heime. Fram til no har det budd ein gul påskekylling der (som junior har laga på skulen) og eg er ganske sikker på at han vil opp på loftet til påskekameratane sine. (ja, ikkje Junior då, men påskekyllingen..)

Skiltet veit eg ikkje heilt kor eg skal henge enno..


Endeleg fekk eg kjøpt meg ein sånn ein! :)


Dagens supertips!!

Eg har vore på Fretex i Lillestrøm og kjøpt skjorter til 30,- pr stk.

Desse skal eg bruke til lappeduken min.

Det er so lurt at eg burde fått Nobel`s sypris...

...eller noko i den duren.


Eg har nesten ikkje fått sove i helga, har tenkt og tenkt på det stripete stoffet som eg fekk tak i på laurdag. Kva gjer eg? Eg MÅ ha meir av det! Skal eg velge raude eller beige gardiner på spisestua? Valget falt på beige... men eg bestemte meg for å kjøpe meir av det blåstripete. Grillvott, forkle og endå ein duk.. kjekt å ha!!


Spisestuegardiner og ein duk... Trur det blir fint, ja!


Vi har vore på Kid og der sto det eit fyrtårn i utstillingsvindauget.

Det venta berre på meg, det.


*blush*

Endå ein segelbåt fekk bli med meg heim att... makan til den eg har frå før.

Men... det kan godt hende eg skal fikse litt på den... kanskje, muligens.

Heilt tilfeldigvis gjekk vi forbi Hemtex og der hadde dei stripete puter på salg. Eg har mangla 4 sånne til det nye kafèsettet mitt, ....men ikkje no lenger:)