Vi har rota rundt på stabburet

..og der sto dei finaste skattane!

Kjæresten vil selje 10 slike sprossevindu.
9 av dei har heile ruter og eitt (sjå bilete) manglar ei rute.
Send meg gjerne ein mail om du er interessert.

Eg har fått fleire slike, nokre står i garasjen,
dei skal bli til noko fint til våren.

Eitt av dei har eg hengt opp over sofaen...

Eitt heng i gangen, i sommar var det maritimt pynta.

Det er ikkje mykje som minner om sommarstemning på Møre i dag,
det er kvite plener og litt småkaldt.
Det er mest so eg får julestemning,
litt koseleg!

Fin dag å vere inne på:)

Pink Panter

Jakka er levert og klar for blogging.
Den er sydd i ullbouclè.
Kunden ønska seg rosa eller lilla,
det er ikkje so lett å få tak i lange delbare glidelåsar
i all verdens fargar,
men eg hadde ein rosa på lur:)

Ellemeller poserer i rosa hjarte-jakke.
Sydd på bestilling.
Pannebandet er òg laga av meg.

Strudelhette med hjarte dinglande i tuppen.

Merkelappen sydd i sidesaumen.
Eg trur eg må bestille meg fleire lappar, i fleire fargar.

Eine lomma har fått påsydd hjarte i rosa.

Detalj frå baksida.

Jakka falt i smak, det er alltid kjekt:)

Vampyrsofa søker ny eigar!

Med blytungt hjarte har eg kome fram til at eg må selje sofaen min,
vampyren som eg elskar over alt på jord
(iallefall nesten).

Send meg gjerne ein mail om dette vidunderet av ein sofa er av interesse,
so skal eg gråtkvalt svare deg på spørsmål:)

I går var vi på bruktsal, eigentleg var det eit dødsbu som skulle seljast ut.
Vi kom litt seint, men det var mykje igjen og snart skulle eg skjøne kvifor.
Eg fann ein haug med broderte putetrekk og eit vakkert serveringsfat som var interessante.
Då eg spurde om prisen heldt eg på å svime av!
Dei skulle ha enten 200,- pr stk
eller 200,- pr. par for putetrekka
(dei var visst ikkje heilt einige)
og 150,- for severingsfatet!!
Eg trudde ikkje mine eigne øyre!!

Brått var eg usikker på om eg hadde havna i ein antikvitetshandlar
som hadde fått tak i kongelege putetrekk,
men eg kika meg rundt og fann ut at eg fortsatt var midt ute på landsbygda
som huser 100 menneske.
Sur vart eg.
Sur er eg enno.
Men eg fekk kjøpt ein akkurat passe fin spegel til ein 50-lapp.
*snøft*


No er det Cup-finale!

Heeeia AaFK!!