Potte og vaskeskåp

Eg kjenner presset.
Juleproduksjonspresset i blogglandia:)
Vanlegvis er eg godt i gong med julegåvene i oktober,
i år likeså.

Etter å ha surfa litt rundt siste dagane
skjønar eg at eg må hive meg i gong med
julestrømpesying og anna julesying.

Men...
Aller først vil eg vise fram ein vaskekommode
eg har vore so heldig å få.
(Synes potta er ekstra fin òg)

Saks til å klippe sauane med.

Nyinnkjøpt kors,
det må vere lov å kjøpe litt sjølv om ein har innkjøpsstopp?

Lestane har eg fått av lillebror.

Skåpet står i gangen, berre til pynt.

Syskrinet

I eit gamalt hus sat ei gamal kone og sydde i knappar i ei slitt skjorte,
ho leita etter nål og tråd i syskrinet.
Der, blant strikk, hemper og strikkepinnar fann ho den rette fargen.
Mannen kunne på nytt bruke skjorta han var so glad i.

Syskrinet hennar har eg vore so heldig å få overta.

Eg har brukt god tid på å gå gjennom
dei små skattane denne dama har samla på.
Ho var nok slik som eg er;
samlar.

Eg likar å sitje slik;
lage historiar om kva folk har gjort og tenkt,
drøyme meg vekk til ei tid der stress og mas ikkje eksisterte.

Det gir ro i sjela:)

Knottting on Heavens door

Eg har ein ven,
som må vere min ukjente tvilling.
Han er 20 år eldre enn meg
og det er sjølvsagt ikkje mogleg,
men vi er på mange måtar heilt prikk like.

Ein av tinga vi er like i er at vi samlar,
og vi har vanskeleg for å kvitte oss med ting.

Desse nydelege knottane er originale
og har site på ein kommode på eit tannlækjarkontor.
Desse har eg vore so heldig å få!! 12 i talet.

Eg kan ikkje sjå meg mett,
og lova å sove med dei,
første natta eg hadde dei i hus:)

Grunnen til at eg fekk desse vakre knottane
var at eg spurde om det var mogleg å få tak i slike isolatorar.
(dei dukka opp i leiteaksjonen)
Han hadde sjølvsagt det òg i garasjen sin.
12 i talet:)

No er det berre å vaske,
finne/lage passe skruar
og få det på rette kommoden.

Siste månaden har det storma sterkt rundt meg og oss.
Eg har site midt i ein tornado,
det er ein fantastisk følelse å kjenne at eg meistrar uvèr.
Håret bles vilt rundt hovudet mitt,
eg har tidvis vanskeleg for å trekke pusten
men
føtene er godt planta på jorda
og
eg veit at ein dag,
ganske snart,
vil det løye.

Tikk-takk-tikk-takk

Det skjer mykje rundt oss for tida.

Vi har mykje tid til å gjere det vi har lyst til, og det gjer vi.

Innimellom rekk vi å slappe av,
eg burde bli enda flinkare til det.
Eg burde setje meg ned med ei god bok
og berre nyte våren i solveggen.

"Men eg har ikkje tid, for eg skal finne skjegget..."
eller...
eg har so stor glede av å sy for tida
at eg prioriterar det,
ei stund til.

På mystisk vis har det kome ei klokke i hus,
ei aldeles vakker ei!
No har eg to
og lurer på kva eg skal gjere med den andre,
.... Ååå, alle desse vala!

Eg lir av beslutningsvegring
og burde vore fritatt frå slikt.

Har de sett?
Eg veit ikkje kor gamal denne klokka er,
men det må eg berre finne ut.

Den passar godt saman med det brune hjørneskåpet
(i andre hjørnet)
og bilete som heng på veggen.
Den kler skrivebordet og stovebordet.

Det er ingen tvil, klokka er komen for å bli.

I dag overraska eg kjæresten.
Eg: "eg har bestemt meg for å kvitte meg med ein del ting,
vi har for mykje,
vi har ikkje plass til alt.
Kanskje vi burde selje noko?"

Kjæresten: *stum*....
*himmelfallen*
*tenker*
*forsiktig*: meiner du det?
*glad*

Hehe..
det skal ikkje mykje til for å glede ein stakkars mann;)

Eg erklærer herved

våren for offisielt opna!

Iallefall her i Brattvåg.
Vegane er tørre, sola skin og alt er berre velstand!

Eg heiv ut putene,
fann fram denne lekre mugga med roser i
og tok med meg strikkeriet mitt for å nyte sola i dag.
Herlighet kor deilig!

Ungane har hoppa på trampolina
og vi har berre kosa oss heile dagen.

Vi har prata om å pusse opp kjellarstova i heile vinter,
i dag starta førbuingane...
Vampyrsofaen skal ut, benken skal ut,
det skal ommøblerast
og eg skal bestemme meg for kva golv eg vil ha.
Det er på tide at det skjer noko!

Kjæresten fekk ånda over seg, tok med seg ungane
og stakk i kjellaren no.

Lucky me!

Men i alle dager...

Her i huset har det vore lite blogging
og lite kikking i Blogglandia siste tida.

I går kveld tok eg med meg siste "Vakre Hjem"
og skulle lese litt før eg sovna.
Kjæresten låg ved sida av
og drøymde seg vekk med eit motorsykkelblad
... som vanleg...
Eg bladde litt småtrøytt i mitt blad
og proklamerte at dette nummeret er betre enn det forrige.

Han slengde eit sideblikk i mi retning og utbraut engasjert:
"Sjå! Er det ikkje Emmeline si spisestove??"

?

Eg lar meg stadig vekk imponere over kva han får med seg.

Med dette tar vi helg,
med treningskamp, badeland
og litt avslæppings.

Funn!!

Den siste tida har eg vore heldig og fått små og store skattar,
litt herifrå og bittelitt derifrå.

Ei osteklokke sto åleine på ein kjøkenbenk
og stettfatet kom frå ein heim
som hadde lyst å kvitte seg med ein del ting.

Ein einsam krystallvase
og ei krystallskål blei vener på spisestovebordet mitt i går kveld.

Dei blei so vakre saman!!

Eg rydda litt i skuffer og skåp i går
og drog fram alle fine kvite fata eg har samla siste tida.
Gosjameg so lukkeleg eg blir av slikt!!

Og kva med dette?
Nyydeleg farge!
Passar ikkje inn hjå meg no, men det skal stå på ein lur plass,
for plutseleg finn eg ut at eg skal dekke håpets bord...

Himmelfallen og overlukkeleg!

Eg har sagt det før og seier det ubeskjemma igjen;
Eg blir lukkeleg av vakre, nye ting!

Før helga fekk eg tak i eit skrivebord, kjøpt på Finn, sjølvsagt.
Meininga var å selje det igjen...
men eg klarar ikkje det, ikkje kjæresten heller.
Vi er forelska begge to.
Har du sett på vakrare skatt?
Denne lekkerbisken kjem ALDRI i nærleiken av målarkosten!

Ulempane med å få eit nytt møbel i hus er:
Vi må ommøblere, alt.
Alle pynteting må flytte plass
Lampar heng i faresona for å bli degradert eller flytta på
Støvsugaren må fram
Kjæresten blir litt smålei av meg;)

Sjekk, herlege kontrastar i fargar, form og finish!
Eg diggar det!

Denne gyngestolen er eit containerfunn.
Den skal heller ikkje målast.
Den er rågod å sitje i
og ventar berre på at peisen skal bli ferdig
slik at den får bu ved sidan av den.

"Til helga kanskje?"

*

Overhøyrd i bilen i går:
Princess ser at ho har eit ubesvart anrop og ringer til vedkomande.
Vedkomande: Hallo?
Princess: Hei, eg trur du har ringt feil....
Vedkomande: ... eh? Hæ?

Princess: Ja, eg meiner...eh... du ringde i stad?

Vi fekk oss alle ein god latter,
Ho òg.
Ungane mine er flinke til å flire av seg sjølv,
det er ein eigenskap eg set frykteleg stor pris på:)

Ridder av det runde bord!

Eg trudde eg skulle dåne i går,
då naboen ville gi vekk eit bord etter bestemora si.

Akkurat eit slikt eit som eg har leita etter i mange år!
Eg hadde mest lyst til å hoppe opp og ned og klappe i hendene då eg fekk sjå det...
det er faktisk mogleg at eg gjorde akkurat det òg!

Vekk med det firkanta bordet framføre salongen
og på med strikkaduken eg fekk med Besta for ei evigheit sidan.

Slik ser kula ut, litt småstøvete, men det fiksar vi fort:)

Ja, so har vi eit problem igjen da...
Dagsenga kler verken det firkanta eller det runde bordet...
Hm... eg må inn på Finn for å Finne sofa som passar... igjen;)

***

Eg skal ligge rett ut framføre tv`en i kveld,
har vore på polaritetsbehandling og skal ta det med ro ei stund.
Resultatet i dag er at eg har krefter og energi til å redde heile verda
og er klar for å ta det store steget ut i den store skumle verda.
Dette steget har lagt framføre meg heile livet,
eg har visst at eg skulle ta det,
men har ikkje vore klar for det før no.

Vi sjåast, der ute... :)

Shoppings på ein heilt vanleg torsdag

Det raude stoffet er nesten ferdigsydd.
Det manglar litt detaljar før eg skal vise det fram,
men det kan sjå ut til at det blir fint:)

Vi har vore på Moa i dag og kjøpt varmepumpe, med montør. Han kjem på tirsdag.
Vi skulle berre vere raske og eg skulle ikkje innom ein einaste butikk...
Haha..
Eg er ikkje sikker på om eg gjekk forbi ein einaste butikk.

Lyktene har fått plass på lintøyskåpet
og kolibrien har funne seg til rette i den nye mystiske blomsten min.

Vi var innom bruktbutikken, der fann eg småtteri til å fylle skåpa med.
Heklebrikker, sølvplettfat til smør og kromkakedings.. heiter det kromkaketapp?...
og litt ymse andre greier.

Denne lampa skal eg spraye og style og henge over kjøkkenbordet.
Det blir rett og slett stilig, trur eg:)

I kveld har eg vore på Yoga-kurs.
Kven kunne vete at det er so vanskeleg å puste??
Ut med magen og ned med skuldrane, puste inn med nasen og ut med munnen.
Pjuuuh!
Men godt var det!

-Kva fann du nooo då. Askeladden?

Fredag reiste vi for å vise Linn Byen i mitt Hjarte!
Ålesund
På vegen sto det stabla ein digen haug med skrot,
den kunne eg ikkje køyre forbi, magnetisk som den var:)

Å, herlighet... sjå!!
den eine skatten etter den andre.
Kjæresten berre rista på hovudet
og ga meg beskjed om at bagasjerommet ikkje var stort nok til alt.
(han kommenterte litt tørt at GundaM berre er "småjenta" i forhold til meg)

Denne fekk eg dessverre ikkje ta med meg.
Den var fantastisk flott, men botnen var øydelagd so eg ga meg ganske fort.
MEN...
Det vil ikkje seie at eg ikkje skal ha ein slik i hus etterkvart.

Sinkbøtta fekk bli med heim.

Tannhjulet likeså, dette skal eg ha eit digert stearinlys på i jula.
Det skal få stå på trappa, ute.

Vaskefatet blei òg med heim.

"kva skal du med den, då?!
"Nei, jeg har slikt å gjøre, jeg har slikt å føre,
jeg fører vel den òg!"

Alt "rasket" skal stå ute i hagen til sommaren,
saman med den gamle døra og utslagsvasken eg har i garasjen.

Vi har hatt ei superkoseleg helg med Linn på besøk.
Kom snart att!

Tidenes kupp!!

Eg trudde ikkje mine eigne auge då eg sveisa innom Finn i går kveld
og fekk sjå denne salongen til sals, til ein spottpris...
Det låg kun mailadresse ute og eg sendte mail,
men trudde ikkje at eg hadde nokon sjanse,
det var tross alt mange timar sidan annonsa blei lagt ut.

Eg fekk nesten ikkje sove i natt og var tidleg oppe for å sjekke mail,
ingen....
Eg tok sjansen på å skrive på nytt
og by litt høgare pris,
og der!... fekk eg svar, det var berre å komme og hente:)
Eg trudde eg skulle besvime av lykke!!

Det blei litt organisering for å få køyrd godsakene heim att,
eg var so heldig at Far hadde tid til å bli med!
Ikkje nok med at eg fekk kjøpt det for ein rimeleg penge,
men det kunne hentast i nabobygda òg.

Det som er litt morosamt er at no ser det litt mørkt ut for vampyrsofaen...
Hehe...
I går skreiv eg at den ikkje kom til å bli flytta på ei stund,
og i dag er planane muligens heilt snudd på hovudet:)

Begge to har eg iallefall ikkje plass til...

I all min iver har eg ikkje tenkt på å bloggisfisere før eg tok bilete,
eg hadde berre so lyst til å dele min glede med dykk! :)

Jah! Og so vil eg minne dykk på konkurransen min, snart er det trekning!
Har du lyst til å vinne tre heimesydde ting, so sleng deg med:)
Du treng ikkje å gjere anna enn å kommentere i dette innlegget.
Trekning 1.11.
Lukke til!!

Finn, fann, funne.no

Eg har gjort det igjen!
Surfa på Finn i går og kom over denne herlege senga.
Den står no på stova, foran tv`en.
God plass til alle saman og det liker vi:)

Lille Lavendel og eg har vore til Ålesund i dag og henta den,
den gjekk akkurat inn i bilen og eg er fortsatt lykkeleg
frå innerst til ytterst!
Vi har prøvd ut komforten i dag, Princess og eg.
Vi har kost oss under pledd og sett på "I eit speil i en gåte".
Fantastisk film!!!

Når eg får littt tid for meg sjølv på syrommet skal eg sy romantiske putetrekk på alle putene.
No har eg ikkje trekk på alle, men det ordnar eg fort:)
Eg har òg planer om å sy eit fint lappeteppe i litt andre fargar sånn etterkvart.
Dette er litt for sommarleg.

No er nattesøvnen min litt tryggare når kjæresten kjem oppover igjen,
det er litt enklare å sparke han ut av senga når eg veit at han kan sove godt i senga i stova:)
Madrassen er deilig og akkurat passe mjuk.

Etter sengehandelen stakk vi innom bruktbutikken
og der fann eg ein lampeskjerm og skjelett til to lampeskjermar.
Denne sorten har eg leita etter i ei evigheit!!
Endeleg skal denne kule lampa få kle på seg og sleppe å stå skamlaust naken i stova mi:)
(sjekk det nederste biletet)

Eg kjøpte eit isglass og eit glassfat, dette skal eg lime saman til stettfat.
Det blir stilig.
Damene i bruktbutikken var so imponerte over kor kreative vi var,
men eg måtte innrømme at det ikkje er eg som har kome på denne idèen.
Hundrevis av bloggedamer har gjort det før meg,
men kvifor ikkje bruke opp att ein god idè?

Fin lampeskjerm??
Ungane meinte det var det mest grusomme dei har sett...
Berre vent til eg får tråkla på noko på dei to andre skjermane òg.
Det blir so lekkert so:)