Sure born, skya himmel og rista brød

Dagen kunne ikkje starta verre. 2 born og ein overnattingsgjest kom opp som 3 tordenskyar i dag "tidleg". Princess hadde visst prøvd seg på "Dronningen av Saba"-hersketeknikken igjen. Den fungerer aldri og eg tek meg i å lure på kor tid ho skal skjøne det:)

Mamma samtaleterapeut måtte stemple inn. Princess og eg har snakka om å like seg sjølv, setje seg inn i andre sin situasjon og om å ikkje la sinne ta over.
Dei to minste tek det heilt roleg og trekkjer seg vekk, dei står på rollerblades på terrassen no, medan Princess held på å ta seg inn att.
Ho er flink sånn. Har lært mykje.

Det er ikkje lett å vere 12 og kome godt inn i puberteten. Følelsane svingar fortare enn Petter Solberg rekk å gire og ikkje er dei lette å styre heller.
Princess veit at til sintare ho blir til meir stressa blir kroppen og slaggstoff hopar seg opp.
Dette gjer seg ofte utslag i kviser.
Kviser er ikkje so kult.

***

Neiognei, so herleg. Akkurat no skin sola på himmelen, Princess har fått ete litt og smiler til meg. Ho har fått tenkt seg om og dei vonde tankane er borte.
Princess er flink, ho blir flinkare og flinkare til å kanalisere følelsane.
Eg er stolt.
Stolt av borna mine.