Piker, vin og sang!

... Eigentleg so var det mest piker...
Vi har vore på telttur, vi tre søstrene, på terrassen til lillesøs.

Mellomste-søs er den som er flinkast til sånne guttegreier som oppsetjing av telt, snekring av plattinger og hogge ved. I går hadde vi ikkje bruk for verken ved eller platting, so ho heldt seg til teltet. Eg står i min nye, raude REGINE STOKKE-singlet og overvakar.

Lille-søs til venstre, mellomste-søs til høgre. To av sonane våre i midten, dei trykker i seg so mykje potetgull som mogleg før leggetid... ja, det er ferie.

Gutane på veg inn i teltet, no er det natta.
Kaldt var det òg.
Men... vi er framleis vikingar!

Mellomste har funne sin eigen måte å bli kvitt knotten på...

vi to andre spraya oss med myggspray og syntes det fungerte like fint.

Mi flaske til høgre...

Det blei litt kaldt å sitje ute, vi trakk inn etterkvart og skravla til vi blei trøytte.
Teltlivet er herlege greier!
Vi har hatt besøk av fuglar, kattar, rådyr kanskje og muligens ein liten bjørn...
det høyrtes iallefall sånn ut...
berre ein bitteliten also.
Eller so var det Opus, den svarte feite katten.

Takk for laget jenter, neste gong skal vi syngje!

*

Irene har vist teikn til betring i dag,
ho har prøvd å opne augene,
har bevega handa på "kommando".
Det er små museskritt i rett retning.
Det er tøft i sitje her på Møre og vite at dei har det vondt.

Øverst på ynskjelista!!

Calou Sweden.

Dette blogginnlegget skriv eg eigentleg til kjæresten...
han er fortsatt på austlandet og eg veit han les bloggen min kvar kveld.
"Kjære?? *blunke* Desse skoa var vel heilt fantastiske?? Dei er handlaga, skinn og fantastisk gode å gå i, det sei dei alle som har prøvd;)"

"Då kan eg tusle rundt i hagen og fikse ting
og samstundes passe på at ryggen og føtene ikkje blir slitne."
"Lurt?"
*kviskre* "Vi kan få kjøpt dei i Charlottenberg"

Eg hengde forresten opp lavendel til tørk oppe på loftet i går,
gler meg til å sy små posar til å putte dei i.

Oldemor blei 107 år i går!
Nei, 105!
Eg har hatt som hugseregel at oldemor er eit år eldre enn Kong Olav,
men det har vore feil, tydelegvis, for ho er eit år yngre...
Sorry! :)

Dette er den sprekaste oldemora nokon har hatt. Kjapp i replikken, herlig humor og eit nydeleg vesen! Eg har vore mykje med ho "besta i fonna". Sommarane gjekk med til hesjing, gøyme og leite på låven og lefsebaking... og skrekkhistorier på loftet, etter leggetid.
Det var gooode tider:)

På dette bildet er ho omlag 85 år gamal og har ei kusine av meg på fanget! Koseleg!!

Gratulerer med overstått!

Gått amok med sprayboksen!

Først må eg vise min aller aller aller første peon! Eg er so stolt! Besta trudde ikkje på at den blomstra allereie i år, men eg har faktisk 9 knoppar. Ho hadde planta ned frå samme buska som meg og hennar var heilt svidde... gjett om eg følte meg flink då!

Denne korga kjøpte eg billeg på loppis.

Nyspraya!
Fin til å ha puter, tepper og sånn i innafor terrassedøra.
Eg har spraya mange ting, bilete kjem etterkvart.
Dagane går til å måle ferdig møblar til å setje dei spraya tinga på:)

Eg har vore på låven og rydda.

Sinkbøtte til å ha hortensiaen min i.

Det første eg gjorde når eg kom heim att var å plassere dei to melkespanna og sinkbøtta på trappa mi.
Det er noko spesielt med ting eg veit har tilhøyrt nokon eg er glad i.

Begge spanna har kome frå Sunnmøre Meieri og er laga av Høyang.
God, gamal kvalitet!

Nederst står Besta og Bestefar sin kleskokar.
Den skal òg få blomster etterkvart.

Oh, lykke!
Besta var so glad for at eg rydda i skrotet hennar, ho hadde tenkt å kaste alt saman!!
Eg var òg glad for at eg rydda i "skrotet" hennar:)

Skrinet med det rare og magiske i.

Dette skrinet måla eg for 20 år sidan, eg hadde nettopp gått på eit lite målekurs og var veldig inspirert. Eg har ikkje hatt hjarte til å måle over det. Synes egentlig det er litt fint.
Oppe i dette skrinet har eg lagt skattane mine. Små ting eg fekk av bestefar og min biologiske far, før dei døydde. Det er ikkje kvar veke eg opnar opp for å sjå, men eg ser det står der, i skapet mitt, eg veit eg kan opne det når eg vil, og minnast.


I dag har eg planta ned tomatplantane til kjæresten. 4 stk, rett nedanfor terrassen, akkurat der han ville ha dei. Handlinga blei symbolsk. Eg plantar liv her heime, medan Irene kjempar for livet på austlandet.

Tomatane vil bety mykje for meg i år.
Dei blir som ei utendørs skattekiste.

Lillesøs flyktar frå tåkehavet,
og landar på terrassen vår.

Då må vi servere noko godt før vi skal ete middag.


Vaffelkjeks

90 gram margarin

1,2 dl sukker

2 egg

1 ts bakepulver

300 gram kveitemjøl

Rør margarin og sukker kvitt. ha i eitt og eitt egg om gongen. Rør inn bakepulver og mjøl.
Vips!
Lag kuler av ei stor teskei med deig. Steik i vaffeljarnet.
Eg fekk 20 stk.

Sannsynlegheita for at det skal bli noko til overs er lita,
men om det skjer, skal kjeksa oppbevarast på eit tett glas.