R.I.P. Mira

Klokka 1800 i dag døydde hunden til kjæresten, 11 år gammal.

Eg hadde aldri trudd at eg skulle knyte band til eit dyr nokon gong.
Men Mira har ein spesiell plass i mitt hjarte,
det rolege, lydige, audmjuke og hengivne vesenet tok springfart rett inn og blei der.

Vi har delt kosestunder og appelsinbåtar om kvarandre og ho har lært meg mykje.

Sjølv om ho var ei gammal dame so var ho som ei lita jente når vi var ute i skogen,
her et ho blåbær:)
Eg måtte vere raskt ute med spannet
om eg skulle rekke å få med meg ønska mengde bær heim att.

Bileta er tekne i Finnskogen, ved "sommarhuset" til kjæresten.
Der trivdes ho aller best og der skal ho gravleggjast.
På grava skal det ligge fine steinar frå Møre og små ting som ungane ynskjer ho skal ha.

Det er ein trist dag, ungane har hulka seg gjennom kvelden og eg føler meg ganske tom...

*trist*

Kaos- (uten) Kontroll

Hovudet er heilt ute av kontroll for tida,
idèane tyt ut i alle retningar.
Det ligg prosjekt, under arbeid, rundt omkring overalt!

Vi har hatt to dagar med sol, heilt glimrande for meg, som har eit bord å pusse.

19 varmegrader gjorde godt i ein frossen kropp:)
Bordplata er no pussa og sparkla, klar for måling...
hovudet jobbar på spreng, har lyst til å gjere "noko anna" med dette bordet...

På syrommet har denne kalenderen frå -03 lagt ei stund,
i dag sa det "pling!" igjen.
Eg er ei slik ei som aldri kastar noko og bur ikkje so langt frå
Ålesund,
Jugend-byen
og bileta i beste Jugend-stil passa meg heilt supert!
I morgon skal eg bruke bileta til noko fint!

Desse to boksane, som det har vore proteinpulver i,

har eg måla og i kveld har eg vore heilt suuupersprø og rive sund ei gammal bok

og lima arka på boksane.
Dei står no til tørk og skal få litt pynt på seg i morgon. Bilete kjem:)

Junior kom heim att frå kompisbesøk midt i liminga og sperra opp augene og utbraut:
"HÆÆH!??! Riv du istykker BIBELEN??"
Hehe... Det var ikkje den also.

Eg har klipt 6 hjarte av ein gammal olabukse, i kveld har eg sydd saman og putta stappevatt i,
i morgon skal dei få litt pynt på seg.

Til slutt må vi få med kebab-middagen vår.

Og eg, som trudde at ein dag skal eg bli ferdig med huset...
Ferdig med småprosjekt og storprosjekt,
at eg ein dag skal kunne setje meg ned og sjå meg rundt og tenke:
"AH! Du har vore flink å få det til slik du vil ha det, Anita!"

Men... eg ser det at eg aldri vil bli ferdig,
og det er eg sjeleglad for, eg hadde visna då...
om eg ikkje fekk skape meir...

Etter at eg har lese over innlegget mitt her,
ser eg at eg ikkje får nokon kviledag i morgon heller:)

Heimelaga smykkeskrin! Genialt!

Av og til, i halvsøvne, får eg ein lys idè.
"PLING!"
Dette skjedde her ein kveld for nokre dagar sidan
og her er resultatet av halvamputert søvn kombinert med kvardagskreativitet:

Nytt smykkeskrin!

Eg er so lei av at smykka mine knyter seg fast i kvarandre på krokar på badet,
Princess og venninnene fiklar og rotar i dei stadig vekk
og ikkje har det vore spesielt dekorativt å ha dei framme heller.

Kva gjer ein då?

Jau, ein tek ei settekasse, som har stått på loftet og venta på inspirasjonen,
og nokre andre trekasser som kjem frå ein kunstnarbolig i Ålesund,
...og målingsspannet, so klart.

Her er resultatet i all sin prakt!
Blei ikkje det fint, kanskje?
Bokstavane kjem frå dei sagnomsuste "gnukkearka" mine;)

Slik såg trekassene ut før den søvnlause natta:)

For ein som meg, som ikkje kan få system nok,
er dette både
fred, fryd og glede
på èin gong!

Ommøblering

Etter å ha vore på "visning" hjå Lillebror og forloveden har eg vorte eit spisebord rikare!!

"Ser du, Kjæresten? Var ikkje det stilig??"

Det er so lekkert at eg er svimeferdig!
I morgon skal eg hente det og har allereie funne fram pensel og måling,
eg gler meg som ein liten unge på julaftan.
Endeleg kan eg setje det gamle spisebordet inn på kjøkkenet og få eit større spisebord.
Endeleg skal eg få god plass rundt spisebordet
og få eit brukbart bord til lekselesing på kjøkkenet igjen.
Åh! Eg er so glad!

Tidlegare i dag har Lillelavendel med familie og vi tre vore på soppsanking.
Det er med ljugekors bak på ryggen eg kallar det soppsanking,
vi fann ikkje ein einaste spiseleg sopp, ikkje er vi soppekspertar heller.
Men vi fekk ein koseleg rusletur i Hildredalen,
vi åt sjokoladebollar og kanel-i-svingen og drakk varm sjokolade.
Etterpå fekk vi middag hjå mamma og far.

Herleg søndag!

Ellemeller sin SPA-dag

Vi kjøpte hus for over eit år sidan,
ein av grunnane til at vi bestemte oss var at badet og kjøkkenet såg greit ut,
ingen store kostnader i næraste framtid.

Her kjem eit knippe bilete frå badet vårt:

Det er lunt og godt og stort nok til å pleie seg sjølv på dagar der det bles og regnar ute.

"skrotet" i vindauget har eg laga sjølv, i eit anfall av kreativitet.
Drivved opphengt med organzaband.
Skjell og perler festa i brun ståltråd.

Hylla over toalettet.
Eg elskar steinar og skjell.
Kvar gong vi er på ferie dreg eg med meg so mange kilo eg klarer å få med,
av skjell og steinar som eg finn i naturen eller i butikkar. Det blir vanskeligare og vanskeligare etter kvart som vektkontrollen blir strengare på flyplassane.
Eg har tidlegare aldri reist heim att med ein koffert som veg mindre enn 40 kg.

Vi fekk oss ein smekk sist vi var i Spania og reiste med RyanAir (møkkaselskap).
Då hadde vi 4 kilo overvekt på ein koffert og måtte betale ca 450,- .
Kjæresten skulle absolutt dra med seg ein brunost, og den låg i overvektkofferten,
det har han fått høyre nokre gongar...
"verdas dyraste brunost... blablabla..."

Sannheita er vel at det låg sikkert eit par kilo skjell der òg:)
Men det seier eg ikkje høgt.

Tilbake til Spa-dagen.
Eg har tatt ein lang varm dusj, fotbad, høyrd på musikk, fila neglar, ordna hår, smurt meg inn med olje og sysla litt med kreative tankar som kjem i bileteform om nokre dagar.

Krakken på bilete sto i huset, den var då gusjebrun...
korga er spraylakkert og inneheld skittentøy.

Ein idè eg fekk i eitt eller anna blad, legg runde steinar i vasken.
Skikkeleg upraktisk, men deilig vakkert å sjå på!

Dusjen vår har plass til to, det er faktisk litt kos.
Eg elskar å bli vaska på ryggen.
(legg merke til den lekre rosa dusjhetta...)
"oh, I`m too sexy for my..."

Nysølvskål med steinar og perlemorskjel... kjøpt i Spania.
Skjellbutikken var so stor at eg trudde aldri eg skulle kome meg derifrå.
Mykje lekkert og sjølvsagt måtte eg finne den sjappa siste dagen,
når feriebudsjettet allereie var litt ute å køyre:)

Blir ikkje mett av å sjå på det...

Badesalt frå Praha, fått i gåve frå mamma.
Luktar herleg!
Det ligg i eit skjell (sjølvsagt) oppi blomsterpotta til orkidèen og dunstar friskt og reint.

No sit eg herleg fresh og lekker :) og er klar for helg, utan kjæreste,
han spring frå tre til tre langt ute i skogen
og ser etter fugl han kanskje kan skyte (jakta har byrja).

Fin kontrast eigentleg;
Eg, pynta og rein,
Han, machomann med granbar i håret, som han ikkje har,
og sveitte strømper i skoa.

Smugtitt...

Ein liten smugtitt på stua mi.

Eg har starta omflytting av det nesten-ferdig-måla nattbordet.
Det er godt mogleg det havnar her, ved sidan av den raude sofaen.

Skrivemaskina har vore Bestefar si, den er litt småskakk og har småskadar i lakken,
men den er noko av det kjæraste eg eig.

I hjørnet heng fugleburet mitt, med kolibriar og kirsebærblomar, enn so lenge.
Det skal få stå oppå lintøyskåpet når det er ferdigmåla.

Nattbordet manglar nokre pynteklossar, det er tross alt ikkje heilt ferdigmåla.
Knottane skal òg få seg ei overhaling.
Muligens skal døra få bilete av ein vakker engel.

Men er ein utålmodig, so er ein.

Salander, I Love You!

Eg har "gnukka" bokstavar på fleire potter:)

Boksane, kommoden, skuffa og lintøyskåpet har fått to strøk,
og eg har byrja å tenke på ulljakka eg skal sy... men...

Det er ei dame som forstyrrar motivasjonen til å halde på med alle prosjekta mine!

Lisbeth Salander!
Denne rollefiguren er so kul at eg får frysningar berre av å tenke på ho:)
Eg gler meg so sinnsykt til filmen kjem på kino, berre 9 dagar til!!
Eg les "Jenta som lekte med ilden" og klarer ikkje å legge den frå meg.
Det er den 10. eller 11. boka eg har lese sidan sommarferien
og eg har ikkje opplevd liknande driv!

I kveld har eg tent lys og skal kose meg med slutten
(eg har då brukt 3 dagar på å lese den)

Men! i MORGON skal eg fortsette på prosjekta mine...
om eg ikkje byrjar på "Luftslottet som sprengtes"
;)

*
Vi har hatt middagsgjestar i dag.
Eg har servert marinert kalkunbryst med verdens beste lune potetsalat.
Muligens legg eg ut oppskrift ein annan dag:)

Princess og den eine middagsgjesten hadde show for oss og eg lo so tårane trilla.
Dei dansa og sang, begge er gode skodespelarar:)

*
Kjæresten blei innlagt på sjukehus i dag,
eg er litt bekymra,
men mest glad for at han endeleg blir tatt på alvor
(og at han skjønar alvoret sjølv).

Det har vore ein dag utan pause, med andre ord:)