elle meller, jeg forteller

Rammelim, siste del

2011-06-06T13:39:00.002+02:00

Ivrig.
Var so spent på dette biletet.

Når biletet har tørka er det berre å gnukke på vaselin.
Fargane kjem fram litt etter kvart.

Sjå!
Fiine fargane:)
Eg tenker at eg skal sy meg ei rååsa toalettmappe
med bling, glitter og stas.

Då er det berre å bestille rammelim
og setje i gong.
Det er skikkeleg moro
og moglegheitene er uendelege!

rammelim 2 og redesigna kjole

2011-06-05T22:55:00.002+02:00

Hovudet har jobba litt i dag...
med ymse prosjekt.
Kjekt.

Vi held fram med rammelim-lynkurs:

Når bileta har tørka over natta,
legg matpapir over og stryk i ca 5 min.

Legg i lunka vatn i ca 15 min.

Rull av papir til du ser biletet du har tenkt å bruke.
Tørk.

Det var det eg rakk i dag.
Eg trur eg må sy meg ei veske,
ei "Let`s dance"-veske.
Med bilete av David Bowie på.

Impuls-prosjekt:

I skåpet fann eg denne oldgamle kjolen.
Den har aldri vore noko fin på
og det er mange år sidan sist eg brukte den,
i dag såg eg på den med nye auge.

Eg klipte av kjolen og forkorta ryggen
og sydde ein løpegang til å snøre den litt meir saman.
I enden av snora/strikken har eg festa to runde glasperler.
Veldig fine.

Det var ikkje lett å bestemme seg for stoff...

Litt påvirka av Barbro falt valget på raudt stoff med prikkar!!?!

I can see you:)
Kjolen bak,
meir polkadottar og eit par auge på toppen.
Då har eg fortsatt full kontroll.

Vips!
Ny kjole til sommaren.
den matchar til og med dei raude treskoa mine.

Sol, sol, kom igjen!

Kva er rammelim?

2011-06-04T18:55:00.004+02:00

Nokon kjøper avisa for å få med seg kva som skjer i verda.
Eg kjøper den for å få med meg vekas bilete med Lars Eivind Bones.
Laurdag er beste dagen!!
Magasinet denne veka var eit skikkeleg bonusbilag,
med reportasje om Norwegian Wood.

Eg har klipt ut bileta eg har lyst til å bruke.
Og funne fram ein bit kvit lin.

Rammelimet blir pensla rett på bilete.
Denne konserten var eg på;
då David Bowie (som er ein av mine heltar)
fekk kjærleik på pinne i auget.
Eg sto heilt bakerst, heilt åleine i heile verda,
iskald, audmjuk og like sjokkert som resten av
publikumet.

Legg biletet ned på stoffet, stryk godt over og la det tørke over natta.

Eg har ingen god plan på kva eg skal bruke bileta til enno,
men den dukkar nok opp etterkvart.

-fortsettelse følgjer-

Psst...
rammelim får du kjøpt hjå Lille Gitte.

Litt forsinka

2011-06-03T18:49:00.003+02:00

Besta har hatt rund dag og eg og gåva er skikkeleg forsinka.

Kortet ligg klart til i morgon.

Då skal vi ta turen over fjellet.

Enkelt kort, utan for mykje stæsj.
Eg trur det vil passe henne godt:)

Små sitat på innsida.

Og ei lita helsing, på kaffemarinert tag.

Proffe kortlagarar brukar å skrive ei liste over kva papir
og slikt dei har brukt.
Eg er ikkje proff, difor: inga liste:)

Eit takk på baksida.
Besta er, og har vore, ein solid grunnmur i livet mitt.

Jakka med det rare på

2011-05-29T22:35:00.003+02:00

Etter ei lang, kjedeleg og ufrivilleg internett-pause er eg tilbake.
Frisk og rask.

Jakka blir til.
Med rammelim-bilete på.

Tyll, knappar, paljettar og fløyel.

Raude bling-knappar i front (kjøpt på Grønland).

Det vart ikkje omvendt Power likevel.
Eg valde heller å bruke 3 av bokstavane i tilfeldig rekkefølge.

Treet er besatt med perler,
den naknaste dama er sensurert med fløyelsband
og det heile er innramma med tyll.

Det er slettes ikkje sikkert at jakka er ferdig.
Men den kjem seg:)

Rammelim-power

2011-05-14T20:36:00.002+02:00

Eg kosar meg i prosessen.
Det går seint, men framover.

Og det er fortsatt eit eksperiment.

Eg har klipt ut ordet POWER frå ei avis,
og hadde tenkt å bruke bokstavane slik dei er.

I eit lyst augeblikk kom eg på at eg kan setje E`en oppned
og la R`en vere slik den er
og muligens la P`en få seg ei oppussing...

Dette, saman med biletet eg har vist tidlegare,
skal bu på ein kjole eg har i tankane.

Kanskje i følge med nokre perler.

Vi gjer ting eg ikkje kan

2011-05-11T20:09:00.000+02:00

Det å ha ein stor hage
og ikkje vere veldig flink med hagearbeid
er ingen god kombinasjon.

I dag har vi røska opp trillebårlass med kaprifol
og anna rask eg ikkje skal ha rundt inngongspartiet mitt.
Eg har formklipt (!!??!!) to furu,
det vart ganske stilig!

(rullesteinar og flytesteinar i skjønn forening)

Venninna mi har kome med ein del plantar
som eg har sett ned i det nye bedet.

Eg har plukka med meg ein stein her og ein stein der
og til saman dekte det berre ca 1/2 kvm.
Eg skjønar at eg må til med hardare skyts.
Stein er so fint og eg har planar om å dekke store delar
av bed og hage med sorten, helst runde.

Rhododendron skal eg òg ha,
minst 50!
Trur eg:)

***

Til slutt, ei lita saksopplysning:
eg har vassa i sjøen i dag!!
Brrr....

Gubben og gamla...

2011-05-09T21:33:00.004+02:00

lå og dro...

Vi har starta planlegging av hage, sånn på alvor.
I dag har vi ( les: desse to karane) fjerna ei diiiger rot på toppen av tomta.
Det vart litt spekulering, som de kan sjå;)

Kjæresten er optimist og trur han kan flytte rota med åndeleg kraft.

Etter litt fram og tilbake med traktoren so ga rota opp.
Det var godt å få den fjerna.

Eg har tidlegare i kveld sykla ut på hagevandring hjå ei venninne.
Der lærde eg ein del om kva eg skal ha og ikkje ha i hagen min.
Ho har lova å vere avleggar-butikken min
og allereie i morgon kjem hortensia i hus...
eller utenomhus.

Det er ho eg må spørre om råd framover.
Ho er rhododendron-ekspert,
eg er bra heldig som har slike venninner!

Og so har eg mista bloggrollen min!
Nokon andre som har same problemet?
Er det noko eg kan gjere?
*hyl*

Rammelim-prosjekt nr 1

2011-05-08T18:23:00.003+02:00

Etter å ha vore inspirert av Lille Gitte i "ein evighet"
har eg endeleg tort å prøve meg på rammelim-teknikken.
Det er lenge sidan eg bestilte limet
og det har stått der på syrommet
og geipa til meg i lengre tid.

Bilete har eg funne i Magasinet.

Og
Dette er berre ein prøve.

Men jammen er det morosamt!
No gjenstår det å sjå kva eg skal finne på av sprell
for å sprite opp det heile.

Marknad

2011-05-07T18:45:00.002+02:00

Pjuh!

Det har vore ein lang og kjekk dag.
Mykje folk og veldig bra stemning på marknaden.

Kvite lin-hjarte med tekst.

Lavendel-posar med blondar.

Lavendelhjarte med blondebrikker og ei perle eller ti.

Dei sydde armbanda la eg på eit etasjefat,
saman med gamle lestar.

Pulsvantar i alpakkaull.

Dette var so kjekt at eg har bestemt meg for å vere med på messe til hausten,
kanskje til og med to.

No skal kvelden nytast,
med eit klapp på skuldra
etterfulgt av ein god film.
Saman med kjæresten.

Siste krampetrekning

2011-05-06T13:46:00.004+02:00

-Siste dagen før marknaden,
einaste arbeidet som står att er å skrive prislappar og planlegge standen.

Det var ynskje om eit lilla armband.

Då sydde eg likesogodt to.

Papirposane mine.
Då er det berre å håpe at eg får bruk for dei:)

...Plutseleg tilbake etter marknaden.

On the top of the world

2011-05-05T08:40:00.002+02:00

Armbandet "tryggleik" blei til i går kveld,
etter at eg hadde bestemt meg for at produksjonen var ferdig.
Stoffet berre låg der
og skreik om å få bli omgjort til noko anna enn lagervare.

Råsilke, steinar, eit anheng i glas (kjøpt i Hellas)
og nokre glitreperler.

På baksida har eg brodert "tryggleik"

Dette gullbrune likar eg òg veldig godt.
I min iver har eg fotografert det opp-ned, ser eg:)

Det heiter "grip dagen"

Det er berre to dagar til marknaden og eg er sånn ca i rute.
Hipp-hipp!

Nøgd med dagens innsats!

2011-05-03T19:51:00.002+02:00

I dag har eg site i sola og sydd perler og knappar i maange timar.
Armbandproduksjonen er ferdig for denne gong,
men eg har eit par-tre idèar til på lur.

På baksida av alle armbanda har eg brodert positive ord,
som HÅP, GLEDE, KJÆRLEIK etc.

Kremkvit råsilke, lysbrun silke,
glasperler og litt paljettar.

Turkis råsilke, knappar og perler...
og eit positivt ord på kjøpet.

Dette har vore artig å halde på med,
eg har kosa meg og håpar at marknadsfolket vil like dei.

I kjellaren står kjæresten og måler soverommet..
eg trudde eg skulle vere lur og velje ein HEILT anna farge
denne gongen. Ikkje kvitt eller vanilje.
Det vart ein annan farge, so lur var eg,
men...
lilla... eh Lilla?!?!
Det var ikkje so lurt.

Etter at rommet er ferdigmåla kom eg på at
alle sengesetta mine er raude og kvite.

Det blir vel lekkert.
Raudt og lilla...

Gisp!

armband

2011-05-02T15:20:00.004+02:00

Det kokar nesten over...
oppe i hovudet mitt.

Eg har sydd lavendelhjarte og -posar
og har no starta på armbanda som eg har hatt lyst til å sy.

Fargane, materiala, perlene vil variere og alle blir ulike.
Idèane er so mange at eg ikkje trur eg rekk å sy opp alle.

Men det kjem dagar etter marknaden òg.

Kanskje gjer eg alvor av å lage meg ein Epla-butikk.
Det har eg snakka om i eit år, sånn ca.

Då er det vel på tide;)

marknads-saum

2011-05-01T11:05:00.003+02:00

Eg nyt sola og syr lavendelhjarte til neste helg.
Det er gjenbruk over heile linja (nesten), gamle hekle/strikkebrikker,
perler frå gamle og nye smykker og lin (litt nytt og litt gamalt).

Det er rett og slett ein fryd
å kunne bruke ein finevèrsdag til slike syslar.

Hjarte i lange baner.

Eg har litt arbeid att,
det er ein del hjarte som skal fyllast med vatt og lavendel.
Det er godt at søndagen enno er ung:)

***

I går var vi på kor-konsert med Åge Sten Nilsen som gjesteartist.
Det var ei ny oppleving.
Åge er ein fantastisk artist...
fann eg ut.

Vel anvendt tid!

purple rain

2011-04-20T19:22:00.002+02:00

..eller, iallefall "purple card" :)
Eg har laga to kort for lillesøs,
eit skulle vere lilla
og det andre skulle vere grønt.

Desse brettekorta er artige å lage
og endå artigare å gi vekk.

God plass til å skrive personlege helsingar.

Det var ikkje lett å finne lilla ark,
sånn på sparket,
det førte til at hjerna fekk trimme seg litt ekstra.

Det grøne kortet skulle vere enklare,
med plass til å skrive ei helsing på baksida.
Eg likar so godt dette blomestempelet...
sommarfuglar blir heller ikkje feil.

I kveld kjem kjæresten på påskebesøk
og eg har ei milelang
slaveliste klar.
"Demontere her, snekre der...
skru sammen både her og der."

Perler for svin

2011-04-18T19:13:00.003+02:00

Eg har fått spørsmål om å vere med som utstillar
på marknadsdagen 7. Mai.
(Heretter kan du berre kalle meg
Marknadskjerringa:) )

Bygda vår er 100 år i år
og vi skal feire heile året til ende,
vi har til og med fått vår eigen konjakk!

Eg har vridd hovudet i nokre veker
og hatt problem med å velje kva eg skal lage og stille ut.

Det er so mykje eg ynskjer å lage!
Hovudet er fullt av idèar og planar
... som vanleg...
og eg lir litt av beslutningsvegring:)

(Armband laga av
fløyel, tyll, blondar, perler, knappar som besteforeldra mine har brukt.)

Det blir kjekt (og litt skummelt) å vere med,
vi satsar på finevèr!

Globus

2011-04-04T19:58:00.005+02:00

Sjå kva eg har vore so heldig å få!

Vi har ynskja oss globus i mange år
og vore på utkik etter ein brukt ein
som nokon ikkje vil ha lenger.
Plutseleg dukka den opp, heilt utan forvarsel.

Den passar heilt perfekt på lintøyskåpet mitt.

Her kan vi drøyme oss vekk til varme strøk og spanande kulturar.

Eg er litt smålei av nips og greier,
det stel so mykje energi (og samlar so mykje støv).

Meir og meir havnar på loftet for ein liten nips-ferie.

Men...
desse søte småskoa og mine pynta lys skal få stå framme litt til.

***

Mellomste-søs har jubileum i dag,
gratulerer so mykje!!
Gåva er overrekt,
40 fotosider,
spekka med bilete av henne og borna hennar.
Eg har scrappa i 3 månader
og nytt kvart minutt.
Glad i deg!

Trekkspelkort

2011-03-29T17:48:00.004+02:00

Huset flyt over av lekre papir, blondar, silkeband
og anna stæsj som høyrer ei scrappedame til.
Eg kosar meg med den nye hobbyen.

Ei venninne av meg fylte 40 i helga
og eg fekk lyst til å gi ho ei lita merksemd.

Trekkspelkort med blomar, pynt og blondar.

Det er so koseleg å gi vekk slike gåver!
Det er dobbel glede ved å skape små skattar.
Gleda når eg lagar dei
og
gleda det er å gi.
Dobbel.

Slik ser kortet ut inni, på baksida.

Gåvepose som matchar er viktig!

Ein frisørpose som har pålima papir i same serien
og fått same silkeband.

***

Eg går og ventar på den store
ommøbleringslysta.

Det er tre rom som skal byte plass,
But but, it`s not only-only,
som Petter Solberg ville sagt.

Ha ein strålande dag!

Kjærleik og anna leik

2011-02-21T17:59:00.003+01:00

Puslespelbrikker fell på plass,
kvardagen vår blir lettare,
sjølv om det skjer mykje
rundt oss.

Det er mykje kjærleik i lufta, på mange måtar.
Mest nestekjærleik, i grunn.
Men det skal ein ikkje kimse av:)

Forrige veke, sånn ca, sidan kom det ein stor, liten gut til meg og sa:
"Det er Valentines Day i morgon,
det betyr vel at eg må ha med meg noko til kjærasten min?"

Eg heiv meg rundt og sydde eit rosa hjarte.
Fylt med lavendel.
Sydd av ein rest frå svenneprøva mi,
eit brudekjoleprosjekt,
ein ny blonde frå USA
og ein gamal blonde frå lageret mitt.

Det er kjekt å gi vekk noko som betyr noko for meg,
utan at mottakar veit om det:)

Dagane våre er fine
OG
eg er i ferd med å legge på meg!
Hipp hurra!!

2011-02-16T22:54:00.003+01:00

Ei lita merksemd

2011-02-10T18:35:00.004+01:00

Har du blitt invitert på middag eller eit selskap
eller har du berre lyst til å gi nokon ei lita merksemd?

Eit design-ark eller to, litt hyssing, nokre knappar og litt stæsj,
eit ark med cellofan, ein tom kaffeboks
og nokre minutt seinare so er biffen ferdig stekt...
eller... saken er biff!

Blomane er kjøpt på ebay, resten hadde eg frå før.

Hugs å kjøpe ein pose twist eller anna digg som mottakaren likar.

I dag kom ein ny liten pakke frå Ebay,
det er alltid spanande.
Testing av 4 glitterspray i kule fargar
har resultert i at duken på kjøkenet
glitrar i grønt, kvitt og brunt.

L O V E

2011-02-08T13:13:00.004+01:00

På nyårsaften inviterte lillesøs oss til middag og feiring.
Vi var samla, alle 4 syskjen og nesten alle borna våre.

Det var ein veldig triveleg kveld
og som takk for invitasjonen laga eg ei lita gåve til søs.

Ein hermetikkboks med topplokket intakt.
Heilt enkelt pynta.
Eg ser at eg kunna ha limt på mykje meir bling og dingel-dangel,
det får bli neste gong:)

Inni boksen hadde eg lagt eit lite kort.
L

Med små ord som beskriv lillesøs, som eg er so glad i.
O

Hjartet er tilpassa boksen.
V

Ja, ho er mystisk:)
Mørk og mystisk, i tillegg til alle dei andre gode egenskapane hennar.
Skulle eg tatt med alle,
måtte eg ha laga ei tjukk bok.
E

Glad i deg, lillesøs!

L O V E

Kort og godt

2011-02-07T19:07:00.005+01:00

Eg, ein AMATØR-scrapper, har meldt meg på scrappe-treff i helga.
Eg veit om to andre som skal, elles ingen.
Litt skummelt, eigentleg.

Dette kortet har eg laga til ei god venninne av meg.
Ho har vore krykka mi siste månadane.
Krykker fortener kort med kjærleik.
Det heiter never ending card,
og det er sant,
du brettar og brettar og brettar og...

Side 2

Side 3

På denne sida skjuler det seg ei side til.
Ser du godt etter finn du ein splitttbinders øvst på det kaffemarinerte arket.

Her har eg skrive ei personleg helsing.
Ord som seier alt for oss, og ikkje so mykje for alle andre.

Når ein har det tungt ser ein kva venar ein har,
mange opplever å miste mange.
Eg har oppdaga at eg har fleire enn eg trudde!

Kor heldig er ikkje eg!??!

Psst... hugsar du meg?

2011-02-06T19:47:00.007+01:00

- "Hei, har du slutta å blogge?"
Spurde ei dame meg i dag.

Neei...

Eg veit ikkje heilt kva eg skal svare nå folk spør.
For det har vore mange som har spurt desse vekene,
både på sms, mail og slik som denne dama; "face-to-face".
Det er triveleg å bli spurt,
det er kjekt at folk er innom bloggen
for å sjå om det har skjedd noko.

Det har vore ein tøff, vanskeleg og grusom periode,
MEN...

Eg håpar at alt det vonde no skal snu
og at eg får att lysta til å styre med hus og interiør.
Kanskje viser eg fram det eg har brukt litt tid på;
nemleg scrapping.

Vi har vore på Ungdommens Kulturmønstring i dag,
dotter mi og to av niesene mine har stått på scena.

Vi er utruleg heldige som bur i ei kommune som tek
kultur på alvor,
og her bur so mange talentfulle ungdommar!
Det har vore ei oppleving!

Då håpar eg vi sjåast plutseleg:)

Vil du helse på Tulda, Hulda og Gulda?

2010-11-17T21:48:00.004+01:00

I går kveld var eg på juleverkstad saman med fleire andre kreative damer.

Eg hadde ikkje aning på kva eg skulle lage og bladde febrilsk i bøkene mine,
eit par timar før vi skulle møtast.
Sjølv om eg er litt allergisk mot Tilda,
so har eg 4 bøker
og der fann eg desse søte kremmarhusenglane.

Dette er Tulda,
ho er litt jålete og likar blondar og stæsj.
Ho kranglar stadig vekk med Hulda
om det er blondar eller lin som er finast.

So har vi Hulda,
ho er husflidsberte
og trivest best i ruter og striper...
aller helst i lilla,
men raudt vart godkjent,
sidan det snart er jul.

Til slutt kjem Gulda.
Ho er den nøkterne, nøytrale og empatiske.
Kvar gong Tulda og Hulda kranglar klarar ho å mekle
og roe gemyttane.
Dette er grunnen til at ho heng i midten.

Ikkje for at dei skal hengast opp enno...
Det er tross alt lenge til jul!

Kanskje skal dei henge på kjøkkenet... kanskje ikkje.
Vi får sjå.
Kjekt arbeid var det iallefall.

Imellom engleadopsjon strikkar eg vottar,
det er ikkje so enkelt som eg trudde.
Men eg gir meg ikkje!

Gratulerer!

2010-11-14T12:33:00.004+01:00

Gratulerer so mykje med dagen, Far!

Far har vore tilstades for oss i 20 år,
solid, trygg og til å stole på.

Han tok over jobben for han som ikkje makta ansvaret,
og den jobben har han takla godt.

Det er ikkje berre enkelt å ta over 3 jenter i puberteten.
Men han har vore ein støttespelar for mamma
og ikkje blanda seg inn i oppdraginga,
har berre vore der...
i stormane og i medvinden.

Eg har vore med på å skape ein del storm,
men likevel var han der.
Bar ikkje nag, straffa meg ikkje for dårlege val
eller skubba meg ut i utryggheita.

Eg har vore heldig; både Mamma og Far støttar meg uansett.
Ein slik forelder strebar eg òg etter å vere.

Gratulerer med dagen Far,
eg er veldig glad i deg.

Eg likar deg-kjolen

2010-10-29T16:11:00.004+02:00

Eg likar deg
Du likar meg
Skal vi vere vener ?

Kjolen, som eg har hatt lyst å sy i mange år, er endeleg ferdig.
På framdelen har eg sydd på to lappar der det står:

Eg likar deg
Du likar meg

Du likar meg

Blondeunderskjørtet er eit
Bik Bok-skjørt eg aldri har brukt.

Eg blir veldig inspirert av Lille Gitte og Barbro

og har lært å tenke nytt...
(gler meg til utstillinga til Lille Gitte i morgon!)

På baksida står det:

Skal vi vere vener...
med digert spørsmålsteikn.

Ullappane er fastsydd med ujamne saumar og maljer.
Det grå stoffet under er frå
ein duk eg fekk etter eit bryllaup for nokre år sidan.

Eg og du

No er eg klar til å reise til Island
saman med vener og kjæresten.

-Plutseleg tilbake om eit par veker.

Islenderkjole under arbeid

2010-10-28T12:14:00.003+02:00

Hektisk veke.
Eg reiser til Oslo i morgon, Island på måndag
og har hatt hovudet fullt av planlegging.
Ungane skal bu i kvar sin heim
og eg har skrive utførleg bruksanvisning på begge to.

Det er ikkje berre-berre å halde styr på aktivitetar på to stk.

Eg er nesten ferdig med Islenderkjolen.
Redesign på høgt plan.

Ein diiiger islender frå 80-talet, eit skjørt frå Bik Bok som er for stort,
dekorasjonsstoff frå eit bryllup og restane etter ei ullkåpe.
Kanskje òg eit par pulsvantar som avslutning på ermane,
vi får sjå i løpet av dagen.

Det har vore ein lang prosess, med mykje planlegging.
Det er godt å snart vere i havn.

Kanskje rekk eg å legge ut bilete av kjolen,
på levande modell i morgon,
før eg reiser.

"Du likar deg no?"

2010-10-25T09:47:00.002+02:00

-"når du får sjefe over mor di?"
Sa mamma i helga.

Vi har lagt parkett saman,
ho og eg.

Eg ga meg ut for å vere erfaren,
det kan då vel ikkje vere sooo vanskeleg, vel?

Og det var det faktisk ikkje, vi heiv oss på med godt mot.
Skumma over bruksanvisninga og fann fram stikksaga.
Vi brukte riktignok to korte dagar på å bli ferdige,
men resultatet blei heilt perfekt.
Eg burde legge ut bilete for å vise
dei fantastisk nøyaktig utskjerte spora
eg laga til garderobehyllene, berre for å skryte... ;)

Neglane flisa seg i takt med beundringa av oss sjølve,
og eg toppa det heile med å skifte om til vinterdekk på laurdag.
No sit eg her,
utan neglar (nesten, iallefall)
og har arbeidsnevar ein gartnar verdig.
Og stolt,
veldig stolt!

Søndagen har gått til planelegging av julegåver
og ymse syprosjekt.
Det er godt å få det ned på papiret,
det lettar liksom litt på trykkokaren som ligg rett over øyrene.

Julegåveplanlegging er noko av det koselegaste eg veit.
Snø ute, fyr på peisen
og harmoni i heimen.

Fin måndag,
venninnebesøk,
kostymesying
og kos.

Vi har rota rundt på stabburet

2010-10-20T08:46:00.002+02:00

..og der sto dei finaste skattane!

Kjæresten vil selje 10 slike sprossevindu.
9 av dei har heile ruter og eitt (sjå bilete) manglar ei rute.
Send meg gjerne ein mail om du er interessert.

Eg har fått fleire slike, nokre står i garasjen,
dei skal bli til noko fint til våren.

Eitt av dei har eg hengt opp over sofaen...

Eitt heng i gangen, i sommar var det maritimt pynta.

Det er ikkje mykje som minner om sommarstemning på Møre i dag,
det er kvite plener og litt småkaldt.
Det er mest so eg får julestemning,
litt koseleg!

Fin dag å vere inne på:)

Potte og vaskeskåp

2010-10-18T22:17:00.003+02:00

Eg kjenner presset.
Juleproduksjonspresset i blogglandia:)
Vanlegvis er eg godt i gong med julegåvene i oktober,
i år likeså.

Etter å ha surfa litt rundt siste dagane
skjønar eg at eg må hive meg i gong med
julestrømpesying og anna julesying.

Men...
Aller først vil eg vise fram ein vaskekommode
eg har vore so heldig å få.
(Synes potta er ekstra fin òg)

Saks til å klippe sauane med.

Nyinnkjøpt kors,
det må vere lov å kjøpe litt sjølv om ein har innkjøpsstopp?

Lestane har eg fått av lillebror.

Skåpet står i gangen, berre til pynt.

Lure idèar på lur

2010-10-14T12:31:00.003+02:00

Tidlegare i haust hjalp eg ei venninne med å trekke opp att spisestovestolane.
Skinnet som blei til overs hadde eg lyst til å bruke til noko lurt...

Det er ikkje alltid at den lure idèen dukkar opp med ein gong,
men... plutseleg er den der.
I går kveld følte eg meg lur igjen;)

Nokon som ser kva det skal bli?

Spisebrikker og bordskånarar.
Det blir fint på den lyse spisestova mi, trur eg.

Eg er i tenkeboksen for tida,
har lyst til å skape meir.
Til meg sjølv og til andre.

Ein idè, ein lur ein, lurer litt i bakhovudet.
Eg må berre lokke den fram.

Om å ligge til lading...

2010-10-13T09:34:00.004+02:00

Eg har vore på haustferie hjå kjæresten.
Han har eit hus som ligg langt frå folk,
midt inne i skogen
(den skogen eg var på vandring i, saman med ulven).

Der har vi ikkje straum
ikkje innlagt vatn
ikkje mobildekning
ikkje tv
og ikkje pc.

Vi vaknar til total stillheit, utan å vite kva klokka er.
Den er ikkje viktig, tida, inne i skogen.
Ikkje skal vi rekke noko
og ikkje har vi avtalar eller plikter som stressar oss.

Når kvelden kjem snikande går vi ut på trappa
og kikkar på stjernehimmelen.
Det er som å stå midt i verdsrommet,
beksvart med ei ubegripeleg mengde små lys.

Det er overveldande!

Haustferien har vore total avslapning for meg,
kjæresten har laga mat og vaska opp.
Eg har lest, hekla pulsvantar og berre kost meg.

Tenk om vi alle kunne ta slike pustepauser frå kvardagen ...
Vi treng å legge oss til lading iblant:)

Det er Raudhette og eg...

2010-10-12T12:16:00.005+02:00

I haustferien skulle vi på jakt, storfugljakt.
Kjæresten, ein kompis og eg.

Vi gjekk, utan å sjå noko og kom opp på høgda.
Kjæresten, som er ein gentleman,
meinte at eg skulle gå rett ned frå høgda og vente på dei,
medan dei gjekk rundt over myra (for at eg ikkje skulle bli våt på føtene)

Eigentleg syntes eg at det var ein litt smådårleg plan,
i og med at eg har litt dårleg retningssans....
Men, kva gjer ein?
Jaudå, høyrer på vaksne menn som har vore på jakt før:)

Vi delte oss og eg småtusla meg nedover høgda,
utan peiling på kvar eg skulle gå.
Men var ved godt mot,
det kunne då ikkje vere so vanskeleg å finne fram?

Det byrja å nærme seg skymingstimen
og eg hadde gått ganske mykje lenger enn eg trudde eg skulle,
utan å sjå ein einaste jeger.
Men fugl, det såg eg! Mange.
(til saman såg eg 7 stk, karane såg ingen)

Eg var redd for å rope og øydelegge jakta for karane,
difor gjekk eg med kryssa fingrar
og håpa at eg skulle treffe på vegen snart.
Etter å ha gått i ca ein time byrja eg å miste motet
og trakka meg til knes i myra nokre gonger.
Våt og kald var eg redd for å måtte bli att i skogen heile natta.

Eg er mørkeredd.... veldig... og eg er skogredd... like mykje.

Det er ikkje lenge sidan dei har sett bjørn med ungar
like ved der eg gjekk og surra, og ulveflokken er ganske stor.
For ikkje å snakke om elg!
Eg er mest redd for elg, eigentleg.

Ikkje før hadde eg tenkt tanken
før det dukka opp eit digert ulvespor rett nedom føtene mine.
Kva i alle dager gjer eg om eg må overnatte i skogen?

Korleis skal eg halde varmen?
Korleis oppfører ein seg om ein trakkar rett inn på ein bjørnefamilie?

Tusen tankar rasa rundt i hovudet mitt.
Eg var redd, alvorleg redd.

Og ingen ridder på kvit hest i mils omkrets...

So tett er skogen.
Ikkje lett å sjå ein ting... for ikkje å snakke om å sjå retninga.

Lure meg fann ut til slutt at eg skulle fylgje bekken!
Det gjer vi på Møre når vi rotar oss bort,
for bekken den fører oss ned mot havet.
Slik er det ikkje i Finnskogen.
"Bekken" renn nedover...
men ikkje til eit vatn, men *poff* inn i myra.
Då var det berre å finne seg ein ny bekk,
og etterkvart skjønte eg at bekken måtte fylgjast feil veg,
for eg var på nedsida av vegen.
Nytt håp.

Eg trakka i tett kratt,
djup myr, med fjellskoa full av myrvatn
og håret fullt av hjortelus (Jækk!)
og ENDELEG!!
Eit hus i sikte!
Ikkje det rette, men iallefall eit som eg kjente att.

I luftlinje hadde eg gått over ei mil feil veg...

Ser de!
Til og med elgen rotar seg vekk i Finnskogen...
men denne har vore uheldig å treffe på ulv.
Eg var heldigare:)

I alle år har eg sagt:
"de må ikkje sende meg ut på eiga hand, då havnar eg plutseleg i Sverige"

Det er ingen grunn til å slutte å seie det.
Eg var nemleg mest sannsynleg over svenskegrensa...

*surrekopp*

Kjæresten var frå seg av glede då vi fann kvarande att,
etter 1,5 time.
(det må innrømmast eg var ganske letta sjølv)
Og resten av kvelden gjekk til å avluse meg,
40-50 hjortelus kravla rundt i håret mitt fram til leggetid.

Det vart ein dag med høg puls og panikkontroll,
med andre ord:)

Vart du skræmt no?

2010-09-29T21:13:00.005+02:00

Små forandringar og store gleder.
Og litt redsel.

Lillesøs og eg var på fjellet i går og eg fortalde at eg hadde måla pipa,
det var gjort på 13,5 min og eg har drøya i 2 år med det.
Skjøne det den som kan:)

Det er slik at eg skvett kvar gong eg går forbi!
Herlighet kor stor forandring ei lita pipe kan gjere!
Eg fortalde dette, til lillesøs.

Det er nesten slik at eg blir litt skremt... sa eg.

"Då burde du hatt ei slik skremmebok"
Kom det tørt frå sidelinja.

*knis*
"Du vart skiiikkelig skræmt no ja?"

Forandringa vart ganske merkbar:)

Då er det berre å ynskje seg listing,
neste gong kjæresten kjem:)

Prosjekt Island

2010-09-28T19:43:00.002+02:00

Om ein månad skal eg på tur til Island,
saman med kjæresten og eit venepar.
Eg gler meg heilt ubeskriveleg!

I denne anledning må eg sy meg ny kjole...
Kva passar vel betre enn å sy om ein islender?

Kanskje med restane av eit blondeskjørt?

Eg gler meg til å setje i gong:)

Dugg i gras og stjerner i vatn

2010-09-27T21:09:00.003+02:00

Vi har vore på fjellet i dag.
Har nytt gode samtalar, deilig vèr og herleg natur.

Før eg drog på meg spinkelbeinbuksa
tusla eg meg ein liten tur i hagen for å knipse hausten.
Fantastisk lys!

I siste liten kom eg på at eg burde måle eit strøk på veggen på syrommet,
svosj-svosj med målekosten, so var det i boks.

Eg er fascinert av vatn og stein.

Eg har fanga stjernene i vatnet! :)
Dette biletet gir meg lysta på reker, solstol og lukta av solkrem.

Etter at eg kom heim att fekk eg kaffebesøk og det var so triveleg!

Fin dag, med andre ord:)

Eit bittelite ynskje

2010-09-26T21:24:00.002+02:00

Vi har hatt ein nydeleg dag.
Sommaren har besøkt oss
og vi har ynskja solstrålane hjarteleg velkomne.

Sommarfuglane har Lillesøs hekla til meg,
dei er so nydelege!

Sjølv om eg skrapa is frå frontruta i dag tidleg
so har eg håp om at sommaren kan blåse varm pust
over oss nokre veker til.

Berre litt?
Littegrann meire varme?

Lean on me

2010-09-25T19:57:00.004+02:00

Det har blitt mykje handarbeid hjå meg i det siste.
Det er haust og handarbeidstid.
Siste to dagane har eg snudd opp-ned på syrommet
(inspirert av Datt)
og det har vore lettare kaotisk i heimen.
Men det blir bra....
til slutt:)

Seint ei natt kom det ei melding frå ei venninne tikkande inn;
"Hei:) Du får en sang fra meg: "lean on me". Og jeg mener det"

Det berører meg.
Det å bety noko for nokon,
det at nokon vil bety noko for meg.

Det er ein nydeleg song, med eit nydeleg bodskap.
Har ein det tøft, skal ein støtte seg på dei næraste.
Vi skal ikkje vere redde for å vere til byrde.

To stoffposar med glidelås

Har du nokon du bryr deg om?

Send ein sms, eller ta opp telefonen og ring.
Gi gjerne vedkomande ein song med vakker tekst.

Timotei-pung og snytert

Det gjer dagen lysare, uansett om ein treng det eller ikkje:)

Ha ei fin helg,
med gode vener og familie:)

Lukkeleg av sjokkis?

2010-09-23T10:40:00.005+02:00

Ellemeller har hatt ei lita tenkepause.
Kvar går eg,
kva gjer eg
og sist, men ikkje minst
kven er eg?

Tenkepausa har ikkje gjort meg so mykje klokare,
men heller rolegare.
Eg er den eg er...

Frukost med laks, eggerøre og salat.

Eg har fått spørsmålet mange gongar siste månadane:
Kan ein vere lukkeleg utan å ete
svinekjøtt, sukker, gluten og melk?

Kan ein det?
Ja...
Vi kan... alle kan.

Det tek berre litt tid å kome dit,
å venne kroppen av med sukkergifta
og å la smakslaukane få jobbe med naturlege smakar.

Lunsj med blomkål-brokkolipurè, salat og kalkunkarbis.
(middagsrestar)

Kva er grunnane til at vi ikkje skal bli lukkelegare av sunnare kosthald?

Eg tenkjer høgt, på tastaturet:
Huda blir reinare
celluitane forsvinn
humøret blir meir stabilt
meir overskudd
vi kranglar ikkje
psoriasis blir betre
vi søv betre
kviser forsvinn
etc
etc

Ikkje eitt av punkta ser eg på som negative biverknader
som kunne gjere at vi skal bli ulukkelege.

Middag med pasta og kylling

Mange trur at ein ikkje kan leve utan sjokolade,
men ein kan faktisk det:)
( no skal det innrømmast at eg unnar meg sjokolade av og til,
men den kjøper eg ikkje i godtehylla,
eg kjøper handlaga.
Ordentlege råvarer og best på smak!)

Eg har vore avhengig av stratos og troika
og har nok ete ca 1-2 kg i veka tidlegare,
no et eg sunt, jamnt heile dagen,
og det gjer at eg ikkje har sukkersug i det heile tatt.

Bileta over viser ein heilt vanleg frukost, lunsj og middag her hjå oss.
I tillegg et eg riskaker med eggesalat og smoothie.

Tidlegare åt eg èin gong for dag: middag
og so fylte eg på med sjokolade i mellom...

Kven har eg blitt etter at eg har starta å ete sunnare?
Ein mamma/kjæreste som har meir overskudd, er blidare,
meir tolmodig,
er utkvilt og sprekare.
Og...
tryggare på meg sjølv!

Oppdatering på kjellarstove:
varmekablar og parkett har kome på.
Veggane er måla.
No er det berre resten igjen:)

Hekleri-heklera

2010-09-12T17:20:00.002+02:00

Hekledilla
- eg har hekledilla.

Det går i pulsvantar for tida...
Eg kan nesten ikkje tru at eg har knekt
den store og mystiske heklekoden.
Men det har eg also...
Heilt av meg sjølv!

Den første blei litt småskakk,
men det blir betre og betre for kvar gong:)

I helga har eg vore hjå ei venninne og gitt ei hjelpande hand.
Stoltrekka på spisestovestolane trengte ei overhaling.
Eg ilte til med møbelpistolen og pågongsmot.
Etter nokre timar var vi ferdige.
Lekkert blei det!

Slik såg dei ut før vi satte i gong.

No kan stolane stå og skine i den flotte leiligheta.
Ein gong skal eg knipse bilete og vise dykk,
ho har den flottaste utsikta!

Bli-Ny-Dag for taklampa

2010-09-09T21:06:00.003+02:00

I trappegangen måtte vi ha ny taklampe.

Lampa blei kjøpt på Ikea for ein liten penge.
Eg fann fram ei lita borremaskin,
blondar,
krystallar av ymse slag
og nokre perler.

Kjekt arbeid som alle kan klare:)

Lampa blei brukande den.
Det er ikkje usannsynleg at del 2 av Bli-ny-dagen
fører til litt meir glitter og stas.
Vi får sjå:)

No ventar eg berre på at kjæresten skal kome ein tur
og henge den opp.

Ferdig

2010-09-08T21:33:00.002+02:00

Eg vart ferdig med sjala i dag.
Begge er levert til dei nye eigarane sine
og eg er like nøgd som dei:)

Fargen er so lekker at eg er litt misunneleg...

For å få litt liv i kantinga har eg sydd på strassteinar og lilla/rosa perler.

Fleecestoffet gjer det mjukt, behageleg og varmt
å ha på til hausten/vinteren.

Aldri har vel eit skjerf fått so mykje merksemd her i huset før.
Men eg føler det er vel fortent.

Fint, ja?

Det er nesten so ein får lyst på litt ruskevèr:)

Rosa duskar og andre blondar

2010-09-07T18:38:00.004+02:00

I dag kom ei av pakkane frå USA.
Ja, eg har begått eit par kjøp på Ebay igjen.

Rosa, søte blondar og duskar i metervis.
I og med at syrommet er fullt av madrasser
og anna kjellarstoveting har eg innført unntakstilstand
og flytta symaskinene opp på spisestova.

For eg vil sy.

Eg har ei venninne som treng ei lita oppmuntring
og ei anna søt venninne som berre skal få ei overrasking...

Begge likar rosa
og eg likar å overraske!

Svosj!
*spring bort til sybordet*

Plass til å tenke

2010-09-06T22:19:00.004+02:00

Eg er i det kreative hjørnet for tida.
Det eine prosjektet etter det andre ploppar opp inne i hovudet mitt.

Typisk det, når syrommet er fullt av kjellarstove-ting,
fordi kjellarstova er under oppussing.

Det er so fullt på syrommet
at eg ikkje klarer å tenke der inne.
Og når det ikkje er plass til å tenke på syrommet,
då er hovudet fullt av ynskjer om nettopp det,
...plass.... til å tenke.

Ei av prinsessene eg er tante til,
var på besøk her ein dag
og ho hadde på seg den nydelegaste mamelukka!

Ei slik skal eg sy meg...
når eg får plass...
til å tenke:)

Nye skattar

2010-09-05T19:05:00.004+02:00

Lillebror har hatt bursdag
og dagen har blitt feira med grilling og kaker heile dagen.
Sola har skine og det er ei lukke når
11 born og 8 vaksne kjem over tunet.

Han har kjøpt seg hus og vi har vore på omvisning i oppussingsprosjektet.
Oppe på loftet låg det to slike skoformer i ein vindaugskarm,
eg var nær ved å svime av.

Lillebror bryr seg ikkje om slike skattar i det heile tatt
og det er flaks for oss andre:)
Eg var so heldig å få desse to med meg heim att
og dei har allereie kome opp i vindauget,
som heng til pynt i gangen.

Lillelavendel-søs var so heldig å få eit kardesett,
so no reknar eg med at det blir
heimekarda, -spunne og -strikka
julegåver i år:)

Eg tek meg i det ofte,
å bli fylt av glede over å vere so heldig
å ha familie i nærleiken.
Vi møtes jamnt alle saman
og eg trives verkeleg med å bu på ein liten plass.

Er eg ikkje heldig?

No gler eg meg til det blir klart til måling
og anna arbeid som eg kan hjelpe Lillebror med,
det er slikt ein har storesøstre til!

Det blomstrar

2010-09-04T19:30:00.006+02:00

I 41 år og 5 månader har eg ynskja at eg kunne hekle.
Muligens pluss- minus eit par timar:)

Denne veka bestemte eg meg for å gå på med krum hals.
Mysteriet skulle løysast!
I går kveld klarte eg det. Hipp Hurra!
No blomstrar det for fullt i Ellemeller-heimen:)

7 blomar i går og 7 i dag.
No kjenner eg at eg er klar for dei som har doble kronblad...
Trur eg.

Bonus-borneborna er her i helga og då må vi ha litt aktivitetar.
Gutane har bygd all verdens legokonstruksjonar
medan
jentene ville lære å hekle,
og då fekk dei det.
Stolt! :)

Og so går eg svanger med eit superspanande redesign-prosjekt....

Eg gir meg ikkje!

2010-09-03T18:20:00.004+02:00

Eg har bestemt meg;
no er det på tide å lære seg å hekle!

Og, har Ellemeller bestemt seg,
då blir det slik.

Nyyydeleg blonde, kjøpt hjå Salige Lavendel
og starten på ein hekla blomst.

Eg har hekla, rekt oppatt, hekla.... osv osv...
Det er på ein måte ikkje nok masker til å lage stavar i.

Men eg gir meg ikkje.

Det er nederlag.
Og nederlag likar vi ikkje:)

I løpet av helga skal eg ha fått ferdig ein rosa blomst!
Basta.
I følge oppskrifta skal det berre ta ti minutt å hekle ein slik...
Til no har eg brukt minst to timar:)

Då kan det berre gå èin veg;
framover, oppover og mot toppen!

God fredag!

Nostalgisk bakst

2010-09-02T22:17:00.004+02:00

Kostholdsendring betyr meir arbeid på kjøkkenet,
slik er det berre.
Det å finne gode arbeidsrutiner er ei utfordring
og eg er so takksam for at eg har tid og anledning
til å gi meg sjølv og ungane mine denne gåva.

Eg bakar gluten-, sukker- og melkefrie rundstykker.
Det må innrømmast at dei ikkje er like gode som bakaren sine,
men dei mettar mykje meir og gjer veldig godt for kropp og sjel.

Bakeklede er eit omgjort blondeforkle som eg har vore so heldig å få,
likeeins bakebollen.
Den er utruleg vakker!
Det er ein fryd å bake når ein har det fint rundt seg:)

*kremt*
kvar var strykejarnet og strykelysta?
Borte!

Rundstykker på etterheving.
Bakeklede er heimesydd.

Ungane brukar kalkunskinke og grønnsaker på, mykje grønnsaker:)
Eg synes det er godt med eggerøre og røykalaks.

Eit lite supertips, sånn på tampen:
Eg frys ned ei halv flaske (2.5 dl)
med favorittjuicen kvelden før.

Om morgonen tek eg den opp
og fyller opp med juice frå kjøleskåpet.
Vips!
Iskald juice til lunsj.

Redesign ferdig.

2010-09-01T22:34:00.007+02:00

Etter at eg fekk spretta opp
og satt overdelen rett veg, blei kjolen rett so bra!
Perfekt passform og heilt nydeleg å ha på.

Skal ein ha akkurat det smykket til akkurat den kjolen,
må ein ofte fikse sjølv.
Her har eg brukt eit armband og hekta det på eit av kjeda til Junior.

Gjort på ein-to-tre.

Kort strikkegenser kan vere kjekt å ha til vinteren.
Denne kjøpte eg for 12 år sidan og plutseleg var den aktuell igjen:)

Princess har vore fotograf.

I kveld har eg rota gjennom alle skåp
og fått mange nye idèar til gjenbruk/redesign.

Redesign.

2010-08-31T20:03:00.003+02:00

I helga fann eg eit reklamehefte med myykje kule klede i,
og eg kjende inspirasjonen kome veltande.
Eg har lova meg sjølv å ikkje kjøpe
NOKO nye klede før nyttår.
(ok, eg har vore litt utru mot meg sjølv og brukt ein liten tusen-lapp)

Eg må vere kreativ og bruke noko av det eg har frå før.
Denne kjolen er veldig stilig, men litt rar i overdelen, då passar det fint å klippe bort det rare og bruke oppatt det stilige.

Denne overdelen er veldig fin, men for kort... kunne det passa betre?
Klippe bort ein del av lengda og bruke det som er fint.

Og setje det saman til ein ny kjole...
Kanskje skal eg finne fram nokre fine band/blondar å pynte med.

Klippe-klippe-klippe...

Og tråkle.
I min iver etter å få ferdig kjolen
og litt for at eg er glad og ivrig etter den fine omtalen i KK
klarte eg å tråkle overdelen attfram på underdelen.
... utdanna sydame er ho, men å SY kan ho ikkje!...
;)

Lille ElleMeller er nevnt i KK.

2010-08-30T22:13:00.008+02:00

"Hei, jeg fant deg i det nyeste KK, veldig fin blogg! Deg vil jeg følge videre :) "
Skreiv Citronpiken til meg.

Eg satte tunga fast i halsen og ropte til kjæresten:
"Hæærreguud! Eg er i KK!!
(ganske godt gjort eigentleg,
med tanke på kvar tunga hadde havna)
Det er lite typisk at alle butikkar er stengd og at det er midt på natta..."

Kjæresten: "Vil du at vi skal køyre til bensinstasjonen?"

Heimelaga fyrstikkeske.

So vi gjorde.
Og skuffa måtte eg konstantere at det måtte vere ei misforståing.

Ingen ElleMeller i KK.

Gamalt lintøyskåp og ei kjøkkenskuffe.

Men... i dag, ringde telefonen.
Ei venninne av meg abonnerer på KK
og kunne fortelje at bloggen min er anbefalt av
"Ines 3 på nett",
i det nummeret som kjem ut denne veka...

Eg har igrunn ikkje gjort anna enn å hoppe opp og ned
sidan eg fekk den telefonen.

Heimelaga lyspynt.

Tenk det, lille meg....
som ikkje har vore so flink til å blogge i sommar.

Eg, EG er anbefalt!

Heimelaga lyspynt.

-og eg ventar spent på at bladet skal kome ut:)

Alle gode ting er 4.

2010-08-19T21:51:00.005+02:00

Det har vore ein hektisk dag med
skulestart,
sykkeltur,
lunsjtreff med venninner,
plenklipping
og fotballkamp.

Alt har vore koseleg,
Bortsett frå plenklippinga.

Plenklipparen min er ein slik Kinderegg-klippar.
Den er tre-3 ting på èin gong.

Klippebreidden er på 7,5 cm
Den er superlett og dermed uhåndterleg.
Den har ikkje oppsamlar, slik at det klakar seg under heile tida.

Dessutan so er den elektrisk, eg klipper med livet til låns.

"Oj, Det ble jo 4 ting det jo!"
BETRE enn Kinderegg:)

Skal eg vere heilt ærleg so likar eg myykje betre å sitje på den fine,
om enn ikkje ferdige,
terrassen min og nyte tropevarmen vi har for tida.

Ny start

2010-08-18T20:50:00.003+02:00

I morgon er det skulestart,
Princess skal byrje på ungdomsskule
og Junior skal byrje i 6.trinn.

Haust og skulestart er som
ein kjempediger måndag
for meg:)

Eg vil starte på nytt,
Ny frisk,
nytt liv
og
nye forsett.

Frukost: eggerøre, laks og salat.
Fin blanding av protein, feitt og karbohydrat.

I år har eg stor tru på at eg skal klare det,
for starten byrja i mai i år.
Eg har trent 2-3- gongar i veka
(mot ingenting, nokon gong).
I sommar har eg satt meg inn i kva kostholdet gjer med oss,
og funne ut at vi skal kutte ned på/ut sukker, melk og gluten.

Eg har prøvd meg fram heile sommaren
og det går forbausande bra!
Humøret er meir stabilt,
kroppen fungerar mykje betre
og alt er berre fryd!

Neste steg er å motivere ungane meir
og hjelpe dei med å skjøne kva rett kosthold gjer med kroppen vår.
Vi er godt i gong:)

No er skulesekkane pakka
og vi er alle tre klare for ny start:)

Sniktitt på kjellartrappa.

2010-08-17T21:39:00.005+02:00

Eg har eit av Noregs styggaste rom,
det har eg svart på kvitt, i form av mail, frå Tv3.
Eller... rettare sagt:
eg hadde eitt av Noregs styggaste rom.

I sommar har eg starta på den digre oppussingsjobben.

Veggane er ei blanding av 40 år gamal lakka panel og tapetsert mur.
Biletet over viser eit lite glimt av fargane;
brunt, oransje og gult.
Trappa var i lakka furu,
sikkert stått i 40 år den òg.
Den har fått 4 strøk måling.
Taket har eg måla kvitt,
med god hjelp av kjæresten og ei venninne.

Då er det berre resten som står att.
Og det skal eg fikse litt etter litt
no når ungane startar på skule igjen.

Det er ein stor, men artig jobb.
Endringane vises so godt.

Og so får eg stooore overarmsmusklar;)

Syskrinet

2010-08-16T22:38:00.006+02:00

I eit gamalt hus sat ei gamal kone og sydde i knappar i ei slitt skjorte,
ho leita etter nål og tråd i syskrinet.
Der, blant strikk, hemper og strikkepinnar fann ho den rette fargen.
Mannen kunne på nytt bruke skjorta han var so glad i.

Syskrinet hennar har eg vore so heldig å få overta.

Eg har brukt god tid på å gå gjennom
dei små skattane denne dama har samla på.
Ho var nok slik som eg er;
samlar.

Eg likar å sitje slik;
lage historiar om kva folk har gjort og tenkt,
drøyme meg vekk til ei tid der stress og mas ikkje eksisterte.

Det gir ro i sjela:)

Pompel og Pilt i arbeid.

2010-08-14T20:37:00.005+02:00

Veggen har kome opp...

-og eg har funne fram gamle skattar frå garasjen...
visste eg det ikkje at eg kom til å få bruk for dei ein dag!

Flytestein og drivved frå den hemmelege finneplassen vår.
(resten av muren skal målast kvit)

Ei gammal lykt og ein sinkbalje fått av ei snill dame:)

Garnkuler som har vore Bestefar sine.

Slik ser det ut i middagskroken vår.
Neste år håpar eg å få tak over,
det trengs her på Møre.

Eg blir ikkje lei av å sjå på...
vakre veggen,
gamle slitte skattar
og nydeleg lavendel.

Lykt funne på same plassen som vi fann planken til lèveggen.
Lyset er laga av ei vakker sjel; Line:)

Planken på bordet er funne i fjøresteinane,
den kjem nok til å flytte litt rundt før den finn sin rette plass:)

Eg smiler...
og gler meg til tak, flislegging
og utbygging av terrassen.
Men det blir ikkje før til neste år!
Trur eg;)

Holy Macaroni!

2010-08-12T22:33:00.004+02:00

I sommar har eg rydda alle rom.
Alle skuffer og skåp.
Alle esker på loftet.
Vaska, sortert og
...KASTA!...
Mykje.

I dag var vi på fyllinga og leverte alt rasket,
og no står garasjen for tur.
Der er mykje rusk og rask som skal ut.

I tillegg til å rydde har vi fått murt opp lèvegg på terrassen
og eg har tusenmillionar planar.

Siste vekene har eg tenkt på at ein vegg i mur
blir litt for kaldt for meg
og eg har bestemt meg for å kle det eine hjørnet med panel.

Av og til får eg følelsen av at ting er meint for å ordne seg;
I dag, på dynga,
kom vi over ein haug med ferdigpatinerte lemmar.
Det ser ut som naustveggar,
rustikke og heilt utruleg vakre!!

Desse skal vi skru fast i middagskroken vår i morgon.
Innimellom måleøkter og golvlegging.

Herlighet kor eg gler meg!
Eg tvilar på at eg får sove i natt...

Me sjåast,
plutseleg:)

scrappe-skreppe

2010-08-07T15:12:00.002+02:00

Sjølv om eg har site i ein berg- og dalbane i sommar
so har eg klart å klippe og lime litt:)

Ei bok som kjæresten skal skrive songtekstane sine i.

"Vær optimist"

I to år har eg grua meg til å pusse opp kjellaren.
I går starta eg...
Ribba veggane for skruar, spikrar og sparkla.
I dag har eg måla trappa kvit, det vart forskjell det!
(bilete kjem i morgon)

Skjønar ikkje kvifor eg ikkje har gjort dette før.

Hipphipp,
no er eg glad no!

Livsteikn med gode vaflar på.

2010-08-06T10:09:00.004+02:00

Lenge sidan...

Eg har vore med på verdas lengste berg- og dalbane.
2 månader:)

Livet har teke ei anna retning enn eg hadde tenkt,
og eg har tenkt mykje.
Slik er eg, ein tenkar.

Sommaren har aldri vore innom,
den har berre rast forbi
medan eg har site livredd i tivoli-vogna mi
... og tenkt...

Men...
no er eg ferdigtenkt for denne gong,
trur eg.

Og då skal bloggen atter få sin fortente omsorg.

Eg takkar for alle de som har tenkt på meg
og som har sakna blogginga mi.
Det set eg pris på
og det gir meg lyst til å fortsette!

:)

Stille etter stormen.

2010-06-03T10:32:00.003+02:00

Eg er ei pyse!
Eg ligg vaken når det blès ute
og bekymrar meg for alt som kan forsvinne til havs
eller bort til naboen.
Slik har det vore sidan eg var lita jente;
eg var redd for bøttene mine, leikene, hytta mi og sykkelen.

I natt har vore ei slik natt.

Vi var ute kl0130 for å redde pavilijongen,
den hadde reist ut til Ona om ikkje vi hadde røska av veggane og taket i natt..
No står den der, skamfull, ribba og litt vindskeiv:)

For eit par dagar sidan hadde vi sol,
det er godt å ha sommarbilete å sjå på når vèret er surt ute.

Eg har laga meg ein liten stille krok i bakhagen
og ein plass i skogen der eg har hengt opp hengekøya.

Denne sommaren skal hagen få nye bruksområde!
Eg gler meg!

På benken i bakhagen vil eg
sitje og sjå ungane hoppe trampoline
og nyyyte varmen og fuglekvitteret:)

...måtte berre sommaren kome snart...

Eg vil flytte!

2010-05-22T20:34:00.003+02:00

Vi har vore i Røros,
herlighet kor fint der er!

Tømmerveggar, gamle utelampar, steintrapper
og mykje anna vakkert å sjå.

Tenk å få bu her då!

Inne i eit portrom.
Gamle sleder og kunst i skjønn forening.

Folket i byen er hyggelege, døra (eller vindauget) står ope.
Butikkane har utstillinga og varene sine
ståande ute etter stengetid,
det er som å ha skrudd tida tilbake.
Eller... eg trur tida har stoppa her.
Alle har god tid og stress fins ikkje.

Vi sov på Frøyas hus.
Eit gaaamalt hus med to små rom til leie.
Skakt, slitt og veldig sjarmerande!

Putetrekket på senga vår.
Her kunne eg ha sove kvar natt:)

Gardinene og vindauget ut mot bakgården.
Der har eigaren butikk og sel myykje fine saker!

Eg vil tilbake, mange gonger,
om eg ikkje flyttar dit so vil eg iallefall på besøk!

Pavilijong

2010-05-12T22:40:00.003+02:00

Endeleg!
Pavilijongen har kome til gards:)

Ivrig som eg er, starta eg å montere åleine.
Det var ikkje berre-berre.

Heldigvis har eg mellomste-søs i nabolaget
og ho sei sjeldan nei.

Taket fekk eg og Junior montert utan hjelp...
vi er vel flinke:)

Prøve-stæsjing.

Det blei rett so triveleg her inne.
Her skal vi ete mange middagar framover!

Eg håpar å få opp ein levegg
og få fliser på terrassegolvet før vinteren kjem att...

Knottting on Heavens door

2010-05-10T22:16:00.004+02:00

Eg har ein ven,
som må vere min ukjente tvilling.
Han er 20 år eldre enn meg
og det er sjølvsagt ikkje mogleg,
men vi er på mange måtar heilt prikk like.

Ein av tinga vi er like i er at vi samlar,
og vi har vanskeleg for å kvitte oss med ting.

Desse nydelege knottane er originale
og har site på ein kommode på eit tannlækjarkontor.
Desse har eg vore so heldig å få!! 12 i talet.

Eg kan ikkje sjå meg mett,
og lova å sove med dei,
første natta eg hadde dei i hus:)

Grunnen til at eg fekk desse vakre knottane
var at eg spurde om det var mogleg å få tak i slike isolatorar.
(dei dukka opp i leiteaksjonen)
Han hadde sjølvsagt det òg i garasjen sin.
12 i talet:)

No er det berre å vaske,
finne/lage passe skruar
og få det på rette kommoden.

Siste månaden har det storma sterkt rundt meg og oss.
Eg har site midt i ein tornado,
det er ein fantastisk følelse å kjenne at eg meistrar uvèr.
Håret bles vilt rundt hovudet mitt,
eg har tidvis vanskeleg for å trekke pusten
men
føtene er godt planta på jorda
og
eg veit at ein dag,
ganske snart,
vil det løye.

Smugtitt på oppussing av pipe.

2010-05-05T09:28:00.003+02:00

Det går framover.

Flisa har kome på veggen og ventar på fuging.
Vi har støytt på eit par praktiske utfordringar
og er ikkje heilt sikker på korleis vi skal løyse dei.
Kjem tid, kjem råd:)

Eit smykke av eit vindauge!

2010-05-04T09:42:00.004+02:00

Eg er so heldig!

Dette vindauget fekk eg med ei venninne.
Det sto i eit gamalt hus og ingen hadde bruk for det.

Det er so vakkert
og eg er ikkje sikker på kvar eg skal ha det.
Eg har satt det i stovevindauget so lenge,
der står det som eit smykke.

Eg lurer litt på kvar det har stått før og kven som har laga det.

Kven har site og beundra dette vakre vindauget for mange år sidan,
kanskje veldig glad for å ha investert i eit slikt kunstverk?

Eg ser for meg ei bestemor
som sit i gyngestolen og strikkar,
med eit smil om munnen.

Ikkje for sarte sjeler!!

2010-05-02T23:00:00.002+02:00

Eg har ei god venninne som fyller år i dag...

Det passar godt at eg har dilla på kort for tida,
og ho er den einaste eg kunne ha laga eit slikt kort til:)

Det er nesten so eg rødmar her eg sit...

Eg brukte eit gamalt gratiskort frå Oslo,
kutta det i smale striper øverst
og beheldt nederste delen heil.
Prippen som eg er,
måtte eg sensurere litt:)

(det er nesten so eg ikkje kan tru at eg legg ut dette på bloggen...)

..og vi har pynta... bord.

2010-05-02T11:30:00.004+02:00

For 15 år sidan blei det født ein nydeleg gut.
Eg har vore so heldig å få følgje han desse åra.

Kampfiskar

Eg hugsar spesielt godt trilleturane,
han kunne ikkje fordra å ligge i vogn
(eg trur han var redd for å gå glipp av noko),
han skreik og skreik høglydt heile vegen.

Trikset var ein liten dæsj honning
(dette var før vi visste at det kunne vere farleg)
på smokken,
då var han still ei lita stund:)

På fredag var eg med på å pynte til
den store konfirmasjonsdagen hans.
Det var ei stor ære.

Bordet, sett frå konfirmanten sin plass.

Svart, grått og grønt.
Stein, rustikk, fiskar og vatn.

Til ein mann må ein ha maskulin pynt,
men ein liten dæsj grøne perler på bordet
og rundt nokre av lysa gjorde det litt sprekare.

Lillesøster hadde tredd perler på ståltråd.
Tråden er surra rundt ein strikkepinne nokre stader
for at den skal "leve" litt.

Eg har laga bordkort.
For å spreke det opp
sydde eg grøne knappar på eine hjørnet.

Dette var morosamt
og eg har kosa meg i prosessen
saman med mammaen til den kjekke guten.

I skrivande stund er han ferdig konfirmert,
det har snøa og markane er kvite.
Vi får tru at det bringer lukke!
Gratulerer!

Midt oppi det heile har eg funne ut at det var kjekt å lage kort,
og i går var eg på Ebay for å sjekke utvalet.
Eg la inn bud på nokre varer og vann 3 av budrundene.
Herlighet, kor eg gler meg til å få det i hus!
Sjubbiduu!

Konfirmasjonskort med ein liten vri.

2010-04-30T23:06:00.005+02:00

"Måtte alle dine draumar bli oppfylt!"

-står det på to av korta eg laga i dag.

Eg er kortmakar-debutant...
grøss, so skummelt det var før eg kom skikkeleg i gong!

Guttekort,
eg har vore med på å pynte middagsbordet
til denne kjekke konfirmanten i dag
og det går i grått/svart/lime.
Vi var særs nøgde med oss sjølve i kveld!!
Bilete kjem i morgon.

Dette blå kortet var det aller aller første,
veldig enkelt og greit.

Inne i konfirmasjonskorta har eg bretta hjarte av sedlane.
Eg skar eit snitt i bakerste sida på kortet og stakk hjarta ned i.

Det blei skikkeleg stilig
og eg tenkjer konfirmantane er glad for
at ikkje alle pengegåvene er innpakka slik.
Det blir nok ei lita tolmodsprøve å brette den ut att.

Det er to år til vi skal ha konfirmasjon
og eg gler meg.
Notatboka er i bruk,
her blir ikkje noko overlatt til tilfeldigheitene!

Kreativt kaos!

2010-04-29T22:21:00.003+02:00

Vi har hatt besøk av kreative jenter.

Jentene har perla
og laga makramèarmband i metervis.

Slik såg spisebordet ut midt i kampens hete!

Litt av dagens produksjon.

Eg skjønar meg ikkje på makramè,
men har slått meg til ro med at dette kan jentene betre enn meg.
Eg kan so mykje anna:)

Glad-glede-lukke

2010-04-27T21:39:00.005+02:00

Det var ein gong ein liten bjørnefamilie som hadde kjøpt seg hus...

Bjørnemor og bjørnefar har vore i hi i heile vinter.
Bjørnemor, som er meg,
har vore småstressa for at vi ikkje har "gjort ein skit".

Bjørnefar er godt nøgd med det vi gjorde før vinteren
og stressar ikkje i det heile.
(nokon som kjenner seg igjen?)

Men no... no må det skje noko.
Og det gjer det.
Eg har lyst til å ha det ryddig rundt meg igjen,
eg har lyst til å bruke tid på å dille.
Eg har lyst til å gle meg over dei fine tinga mine.

Medan bjørnefar pussar,
borar,
støvsugar,
kakkar laus stein
og støvar ned heile huset,
sit eg og ventar på tid for pynting.

Vi har henta den lekre flisa
og no GLER eg meg til å fyre i ovnen.
Eg lovar at eg skal fyre same kor varmt det er ute.

Då skal eg legge meg ned
på dei nye svarte saueskinna mine
med sjampanje i eine handa
og den fine, pynta fyrstikkeska i den andre!
Dokumentasjon kjem;)

På treet veks det.... eh... sko?

2010-04-25T21:19:00.003+02:00

Aller først vil eg vise flisa
vi har valt ut til pipa på stova.

Ååå, den er so lekker!
Gler meg til å få det ferdig:)

Mykje vil ha meir,
er det noko som heiter,
eg er mykje:)
No har eg ferdigtenkt
uteplass,
pipa på spisestova,
flis på kjøkkenet,
og byrja å planlegge kjellarstova.

Hovudet er på plass igjen,
og godt er det,
for alle rundt meg:)

På "byvandring" i dag kom vi over dette treet.
Først måtte eg myse litt... eh...
"kva er det som heng i treet?"...

Jau, sko i alle variantar!
Skikkeleg stilig var det!

Seriøst problem med den grusomme ovnen!

2010-04-20T20:26:00.004+02:00

Endeleg skal det skje!

Vi skal rive liksom-muren, hive ut oljefyren
og setje inn den kvite vedovnen.
I morgon startar rivinga og planlegginga.

Kva skal eg gjere?
Eg har hatt brannvesenet på besøk
og fått vite kva som er lov
og kva som ikkje er lov...

Eg er i villrede!

Flis?
Stein?
Omramming?
Kva golvplate skal eg bruke?
Korleis skal eg oppbevare veden?

Eg treng HJELP!

Oh Glede!

2010-04-18T21:39:00.002+02:00

I januar lovde eg meg sjølv
at eg ikkje skulle handle verken
klede eller møblar før 1.7.

Eg har vore kjempeflink!

Eg har ikkje kjøpt anna enn to små plagg
som høyrer under kategorien undertøy
og ein liten svart sak som kan kallast underkjole.

Ikkje har eg handla noko til huset heller.

Men eg har hatt bursdag
og det er lov å ynskje seg "naudsynte" ting...
eller klede...

Dette har gått so bra at eg har kome fram til at
prosjektet kan utvidast.
Eg lovar herved at eg ikkje skal kjøpe
nye klesplagg i 2010
(bortsett frå ei varm vinterjakke,
for det treng eg)!

Det er fortsatt lov å sy eller ynskje seg i gåve.

Dette skal gå bra, det er eg sikker på!

Bileta viser gåvene eg fekk av ei god venninne.
Ikkje nok med at eg syntes det var ei flott gåve,
den ga meg lyst til å pynte i heimen igjen!
Den lysta har vore fråverande i det siste.

No ser eg lyset i tunnellen!

Settekassa

2010-04-16T22:46:00.004+02:00

Eg har funne nøkkelen. Bokstaveleg tala.

Livet er ikkje berre ein stor dropspose,
det er òg som ei settekasse.

I fjor sommar var eg so heldig av eg fekk kjøpt to originale settekasser
og den eine heng over skrivebordet på stova.

Den har stått tom lenge, men no føler eg for å fylle den.
Den skal fyllast med ting og følelsar eg likar
og som gir meg glede.
Slik skal livet mitt ordnast framover òg.

Tre fine nøklar.
Nøklar kan brukast til so mangt;
inn i sin eigen heim,
inn i hjartet på sitt livs kjærleik
eller inn i si eiga sjel.

To fingerbøl som har blitt brukt av ei ukjent dame.
Dei minner meg på det eg likar aller mest.... å skape.

Eg gler meg til å fylle settekassa med små vakre ting!!

Søtt, surt eller bittert?

2010-04-15T08:52:00.005+02:00

Livet er som ein diger dropspose, full av
søte,
sure,
bitre,
salte
og enda fleire søte drops.

Nokre er harde og nokre gode og mjuke.

(Krukkene er heimepynta og eg trudde dei var kjøpt slik!
Tusen takk Sofiia!)

Vi har lenge tygd på mjuke, gode og søte drops.
Vi har nytt dei.
Vi har smilt til kvarandre og nikka;
dette er livet!

Men det er jo ikkje slik:)

Sjokket over at dei søte var oppspist var stort!
No tygg vi på harde og bitre drops
og håpar på at dei ikkje fyller resten av posen.

Når ein lener seg litt tilbake
og ser på kva utfordringar livet har å by på,
er det viktig å setje pris på dei.
Ein blir sterk av å gå i motbakke.

Om ein får hòl i tennene av å ete for mykje søte drops
so er det berre å gå til tannlækjaren og fikse det.
Dyrt? ja,
Vondt? ja.
Men det er LURT:)
Og so føles det so BRA etterpå!

Midt oppi denne dropsposen
har bursdagen min kome og gått,
og eg fekk mykje fint!

Orkidèane fekk eg med ungane og pappaen deira.

No er det helg og eg skal nyte den,
saman med eit innpakka drops som eg har spart på.
Det skal eg pakke opp og legge på tunga,
kanskje vil det smake anleis enn eg trudde:)

God helg til alle!

So har det endeleg skjedd!

2010-04-07T15:22:00.004+02:00

Kjæresten blei Farfar i dag!

Vi har gleda oss so lenge!
Prinsessa skal heite Isabella
50 cm
3190 Gr.

Ho er eit perfekt lite under, med mørkt krøllete hår.

Farfaren har sendt bilete og videosnutt til meg
og eg er sjarmert i senk,
tør ikkje tenke på korleis det blir når eg får sjå ho på ordentleg:)

Bileta er gåva Prinsesse Isabella fekk før ho blei født;
UglyDoll i rosa og med rispute inni,
fin å legge i vogna til hausten og vinteren
(neste gong skal eg ikkje sy glidelås i).
Små ullsokkar, eit lavendelhjarte
og ein nydeleg Tilda-boks.

Rommet hennar står klart,
rosa og kvitt med heimelaga sengehimmel,
gardiner og handmåla pynt på veggane.
Rett og slett lekkert!
Prinsessa har ein flink mamma og pappa!

Velkomen til verda lille venn,
eg gler meg til å helse på deg!

*glad*

Herlige dagen!

2010-04-06T22:08:00.004+02:00

Nokre dagar er betre enn andre,
i dag har vore ein slik dag.

Mellomste-søs kom på lunsj
og vi sat ute og samla fregner i eit par timar.
(Tunfisk og nudlar er sunt og veldig veldig godt!)

Vi har skravla og kosa oss
og la verdas luraste plan!
Tenne opp i bålpanna,
eg fekk med søskena mine i fjor til 40-årsdagen min,
og ete kvelds i lag.

Lillesøs kom òg.
Det var rett og slett superkoseleg!
3 vaksne og alle våre håpefulle rundt "bålet".
Grilling, sol, hyggestund og tryggleik.
Kan det bli betre?
Nope!

No er våren her på alvor og eg gler meg voldsomt til resten!
-og bålpanna skal brukast flittig!!
Ofte!

Borte bra, men heime best!

2010-04-04T21:06:00.003+02:00

Vi har vore på tur i påska,
det er fint å få litt forandring,
men herlighet so godt det er å kome heim att!

Våren har kome,
krokusen spirar
og hagen skrik etter pleie.

Men ikkje i dag.
I dag har eg hatt ein Farmor-søndag.
Eg har ikkje gjort ein ting,
anna enn å vore saman med familie og kost meg.

Farmor brukte ikkje å gjere noko på søndagane,
ikkje strikke,
ikkje husarbeid,
berre nyte kviledagen.
Det er ein fin ting.
Tenk om eg klarte å slappe av kvar søndag!

Det er godt å vere heime.
Det er godt å sove i eiga seng igjen.
Det er godt å vere tilbake på bloggen.
Det blir godt å få sy litt igjen.
Det blir sabla godt å starte på kvardagen igjen!

Skapartrong!

2010-03-27T21:35:00.005+01:00

Det å lure på kvifor huset ikkje er vaska denne veka
er bortkasta energi.
Dette innlegget og eit par-tre nedover
viser kva eg har brukt tida på...

ElleMeller-tunika i svart og rosa til Princess,
måtte bli ferdig før ho reiste på påsketur.

Rosa og grå ElleMeller-tunika til ein nabo.

Svart og grå ElleMeller-jakke til ein annan nabo.

Svart og grå ElleMeller-tunika.

Og so har eg prøvd meg på å lage ringar.
Veldig artig
og eg har tusenmillionar planar
om andre i same stilen...

Vaske hus kan eg gjere ein annan dag!
Det er viktig å bruke tida på å skape,
når ein har lyst til å skape...

Det har vore ein kjekk dag i dag,
vi har vore sosiale og kjæresten har lagt ut songen,
han har skrive til meg, på ymse nettstader.
Urørt, MySpace og sånn...

Eg er litt stolt also!

Tikk-takk-tikk-takk

2010-03-25T22:37:00.003+01:00

Det skjer mykje rundt oss for tida.

Vi har mykje tid til å gjere det vi har lyst til, og det gjer vi.

Innimellom rekk vi å slappe av,
eg burde bli enda flinkare til det.
Eg burde setje meg ned med ei god bok
og berre nyte våren i solveggen.

"Men eg har ikkje tid, for eg skal finne skjegget..."
eller...
eg har so stor glede av å sy for tida
at eg prioriterar det,
ei stund til.

På mystisk vis har det kome ei klokke i hus,
ei aldeles vakker ei!
No har eg to
og lurer på kva eg skal gjere med den andre,
.... Ååå, alle desse vala!

Eg lir av beslutningsvegring
og burde vore fritatt frå slikt.

Har de sett?
Eg veit ikkje kor gamal denne klokka er,
men det må eg berre finne ut.

Den passar godt saman med det brune hjørneskåpet
(i andre hjørnet)
og bilete som heng på veggen.
Den kler skrivebordet og stovebordet.

Det er ingen tvil, klokka er komen for å bli.

I dag overraska eg kjæresten.
Eg: "eg har bestemt meg for å kvitte meg med ein del ting,
vi har for mykje,
vi har ikkje plass til alt.
Kanskje vi burde selje noko?"

Kjæresten: *stum*....
*himmelfallen*
*tenker*
*forsiktig*: meiner du det?
*glad*

Hehe..
det skal ikkje mykje til for å glede ein stakkars mann;)

What to do?

2010-03-24T21:55:00.002+01:00

Eg har eit luksusproblem!

Eg har eit spisebord til overs.
Det kjekke er at eg no kan be voldsomt mange til middag,
ulempa er at det blir litt trangt å bevege seg rundt etterpå.

Dette runde bordet er berre so lekkert
at eg heldt på å svime av då eg såg det!
Størrelsen, fargen og forma er perfekt!

Det har fått prøvestått litt rundt omkring i huset,
eg har vurdert å sage av beina og bruke det som salongbord,
bytte ut spisebordet vi har no
eller bytte ut kjøkkenbordet.
Måle det eller ikkje?
Livet består av vanskelege val!!

Dette er den spisestova vi har no, fått av lillebror
(som fortsatt er mykje høgare enn meg).

Kan ikkje skjøne kvar eg har gjort av bileta av spisestova vår?
Har eg ikkje tatt skikkelege bilete der inne?
Makan!

Slik såg den ut,
nymåla og straks klar for å få lov til å stå rett på teppet:)

Og slik såg den ut der den sto i huset til Lillebror.
Alice-I-Eventyrland-bord.
Lekkert also!

Kva i alle dager skal eg gjere?

Dei to eldste borda har ileggsplater, det har ikkje det nye.
Kanskje er det nettopp det som skal avgjere dette
frustrerande luksusproblemet:)

Enno har eg ikkje brote mitt sjølvpålagde Finn-forbud!
Ikkje har eg kjøpt eit einaste nytt klesplagg heller.
Flinke ElleMeller!

-og slik blei det...

2010-03-23T17:58:00.004+01:00

Junior fekk sin kosedress i blått.

No er det so koseleg her at det nesten ikkje er til å halde ut;)

Junior sin dress er sydd i fleece
og den kom på i same sekund
som glidelåsen var sydd i.
Princess sin er sydd i jersey-stoff
og er klar for vask allereie.

Begge Gulla er no sidrumpa og godhjerta!

Kos i kosedress

2010-03-23T08:55:00.003+01:00

ElleMeller har drive med ting ho kan, men aldri har gjort før.

Princess har ei stund ynskja seg kosedress,
eg har grua meg litt til å starte på det.
Det er ikkje det at eg har tvila på eg klarer det,
men perfeksjonisten klarer ikkje å berre teikne
eit mønster utan at det er "rett, etter boka"

Eg fann fram grunnmønstera mine
og fekk snekra det saman til noko
som forhåpentlegvis skulle bli noko som likna det ho hadde lyst på.

Eg hadde for lite stoff
(det krympa voldsomt mykje i vask)
og måtte klippe i ein gamal fleecegenser for å få hette på.

Rååsa, sølvsagt.
3 timar seinare kunne ho stolt
dra på seg det nye favorittplagget.

-og Junior ynskjer seg ein slik i blått.
Ein Sitte-I-Kjellerstova-Og-Spele-XBOX-Dress.

Ny fleecekjole, den blei for stor for meg
og eg lurer litt på om nokon har lyst å kjøpe den?
Brun og rosa, str 38/40.
1200,- inkl frakt.

Eg har fleire prosjekt på gong på syrommet i dag,
tenkte å få unna litt før påske.

Hepp-hepp!
Vi sjåast i morgon,
då har eg eit stovebordproblem eg vil lufte.

Eg erklærer herved

2010-03-21T18:33:00.003+01:00

våren for offisielt opna!

Iallefall her i Brattvåg.
Vegane er tørre, sola skin og alt er berre velstand!

Eg heiv ut putene,
fann fram denne lekre mugga med roser i
og tok med meg strikkeriet mitt for å nyte sola i dag.
Herlighet kor deilig!

Ungane har hoppa på trampolina
og vi har berre kosa oss heile dagen.

Vi har prata om å pusse opp kjellarstova i heile vinter,
i dag starta førbuingane...
Vampyrsofaen skal ut, benken skal ut,
det skal ommøblerast
og eg skal bestemme meg for kva golv eg vil ha.
Det er på tide at det skjer noko!

Kjæresten fekk ånda over seg, tok med seg ungane
og stakk i kjellaren no.

Lucky me!

Men i alle dager...

2010-03-19T22:04:00.003+01:00

Her i huset har det vore lite blogging
og lite kikking i Blogglandia siste tida.

I går kveld tok eg med meg siste "Vakre Hjem"
og skulle lese litt før eg sovna.
Kjæresten låg ved sida av
og drøymde seg vekk med eit motorsykkelblad
... som vanleg...
Eg bladde litt småtrøytt i mitt blad
og proklamerte at dette nummeret er betre enn det forrige.

Han slengde eit sideblikk i mi retning og utbraut engasjert:
"Sjå! Er det ikkje Emmeline si spisestove??"

?

Eg lar meg stadig vekk imponere over kva han får med seg.

Med dette tar vi helg,
med treningskamp, badeland
og litt avslæppings.

Funn!!

2010-03-18T18:05:00.003+01:00

Den siste tida har eg vore heldig og fått små og store skattar,
litt herifrå og bittelitt derifrå.

Ei osteklokke sto åleine på ein kjøkenbenk
og stettfatet kom frå ein heim
som hadde lyst å kvitte seg med ein del ting.

Ein einsam krystallvase
og ei krystallskål blei vener på spisestovebordet mitt i går kveld.

Dei blei so vakre saman!!

Eg rydda litt i skuffer og skåp i går
og drog fram alle fine kvite fata eg har samla siste tida.
Gosjameg so lukkeleg eg blir av slikt!!

Og kva med dette?
Nyydeleg farge!
Passar ikkje inn hjå meg no, men det skal stå på ein lur plass,
for plutseleg finn eg ut at eg skal dekke håpets bord...

Ein heilt vanleg tysdag

2010-03-16T16:03:00.005+01:00

Siste veka har vore hektisk.
Det skjer frykteleg mykje rundt meg for tida.

Eg er stressa.
Pulsen er høg og eg klarer ikkje å slappe ordentleg av.
Min polaritetsbehandlar har lært meg ein pusteteknikk,
men ikkje ein gong det klarar eg:)
Pusten stoppar halvvegs.

Men det er på ein måte godt stress.
Aktivt, kreativt og givande stress.

Kaffekopp med påmontert nålepute.
Vatt, brun velour og ein liten dott med ull.

Eg skal bli flinkare til å høyre på meg sjølv.
Ta meg ei stund heilt åleine kvar dag,
berre kjenne på kroppen og krafta mi.
Puste.
Heilt ned i magen.
Roleg.

I går held eg eit lite foredrag om gjenbruk,
nye idèar ploppa rundt i hovudet mitt
og dei skal eg ta med meg på neste foredrag.

-Eg skal berre puste litt først-
:)

Velkommen til Alice-i-Eventyrland-teselskap!

2010-03-14T21:53:00.003+01:00

Princess har fylt 13 og for å feire dette inviterte vi 17 jenter til teselskap.
Eg har kosa meg i fleire dagar med
pynting,
baking
og roting i skuffer og skåp
for å finne "rare" ting å putte godteri og bakst i.

Alle fekk forskjellige tekoppar.

Mellomste-søs sin suppeterrin med ause blei fylt med potetgull.

Ein vase med non-stop og eit sausenebb fylt med pops gjorde susen!

For å sleppe å kjøpe ein haug med tallerkenar kjøpte eg papp
og limte på bitar av serviettar med decoupaglim.
Alle gjestane fekk handlaga sjokolade på tallerkenen sin.

Fargeblyantar til å teikne på duken med.

Den gamle vekta blei fylt med nydelege gulrotmuffins.

Helene hadde laga denne Ybervakre gåva til Kristine!!

Selskapet var veldig koseleg!

Vottar fylt med kjærleik

2010-03-12T09:27:00.008+01:00

Nokre dagar er finare enn andre.
I går var ein slik dag.

Det låg pakke til meg i postkassa,
inga kva-som-helst-slags-pakke heller.
Vottane mine frå Lykkeliten seila inn i huset
og blei heilt naturleg eit familiemedlem!
Eg blei reint rørt av kortet som låg ved,
du er ein engel,
Tusen Takk!

Sjå dei lekre fargane!
Passar perfekt til ElleMeller-tunikaen min!

Det var mange pluss-grader i går, men eg måtte ha dei på når eg gjekk i butikken.
Heldigvis snøa det litt i natt,
då har eg god grunn til å bruke vottar litt til!
Princess blei veldig misunneleg,
eg må nok passe ekstra godt på dei!

Siste tida har eg ikkje vore flink til å passe på meg sjølv.
Eg durar rundt og fiksar og ordnar og har vore småstressa.
Det passar meg dårleg.

I går laga eg meg ei liste over alt som skal fiksas dei neste dagane,
det gjer det lettare for meg å ikkje stresse med A L T eg har å gjere.
Dagen i dag skal gå til baking, rydding, vasking
og dekking av bursdagsbord àla
TESELSKAP
til 18 jenter.
Vi er inspirerte av Alice i Eventyrland
og eg har funne fram tekoppar i ulike design,
rare bollar, fat og kar til å ha kaker og snoperi i
og klipt ut papphjarte og ruter til å henge i taket.
Det blir kjekt!

Kjenner eg meg rett kjem det bilete i morgon.

Ha ein flott dag, UTEN stress!!

Ny jakke og ein liten Tilda.

2010-03-10T21:27:00.005+01:00

Denne søte Tilda-dukka har fått navnet Pippi.
Det berre blei slik.

Den er so søt at eg nesten ikkje har hjarte til å sende den frå meg...

Men den skal til Sverige, kanskje for å helse på navnesøstera si?

I helga var ungane hjå pappa`n sin og eg brukte tida på syrommet.
Det resulterte i ny svart jakke til meg.
Svart og grå, passar til alt i frå olabukser til finkjolar.

Bilete tatt i farta, hjulbeint og lekker;)
Skjerfet og pulsvantane er forøvrig strikka
på strikkemaskinkurs.

Sånn ca ser den ut, eg er ikkje sikker på om den er heilt ferdig enno.
Har lyst på fine ord brodert med grått.

Her på ryggen hadde det passa med eit fint ordtak
eller noko anna spanande.
Dingleriet som heng i hetta er restane av eit 80-tals-smykke
eg fann i ei skuff.
Sannheita er vel at eg ikkje berre fann det,
eg har rimeleg kontroll på småtteriet mitt
og eg tek vare på A L T!

Uklart bilete, men slik ser hetta ut.

Detalj frå lomma.

Eg har ei jakke til som nesten er ferdig,
den blir lekker i brun og turkis!
Kanskje i morgon?

Lappe-Guri-Wanna-Be

2010-03-09T16:33:00.006+01:00

Eg elskar lappeteppe og eg elskar å sy.
Men eg likar ikkje å sy lappeteppe.
Dette hindrar meg ikkje å ville kjøpe nye lappestoff til stadigheit.
Kjæresten kremtar lite diskret på sidalinja kvar gong
eg tek fram eit lekkert stoff
og utbryt:
-"Naaw, sjå dette lekre stoffet då,
det hadde blitt perfekt saman med dei andre, i den korga, du veit..."
-*kremte lite diskret*

Ein dag for ei tid tilbake hadde kjæresten og eg
ein oppheita diskusjon
og han blei skikkeleg sur.
Sånn trampe-hardt-sur.
Han trampa seg opp på loftet for å hente noko
og eg trampa meg ut på kjøkkenet for å opne vindauget
og å hyle høgt.

Medan eg fikla med vindaugshaspa høyrde eg eit
KADUM-DUM-DUM-DUNK!

Eg sprang ut i trappa og der fann eg han,
som ein fint samanbretta Z,
innunder kåpene mine.
Han ynka seg og hadde det heilt tydeleg vondt.
Gløymd var den teite diskusjonen vår
og eg bekymra meg for korleis det gjekk med han.

Han fekk vikla seg ut og stavra seg på beina igjen,
nesten like heil.

Kva hadde eigentleg skjedd?
Jau:
Han slo hovudet i lampa med det same han kom opp (kryploft)
og knust lampeglaset
og for å vere heilt sikker på at det skulle bli komplett
so hadde han fått straum i same slengen.
I hovudet.
I forfjamselsen hadde han snudd seg for å sjå kva som hadde skjedd,
og der...
plasserte han hovudet elegant opp i straumen èin gong til!

BZZZT!
Sa det.

Dette var so ubehageleg at han måtte ta eit steg bak....
og der var der ikkje meir golv, men ei påbegynnande trapp.
Dermed mista han balansen
og gjekk på hovudet ned trappa og landa i veggen,
under kåpene mine, oppå og innimellom alle lappeteppa mine.

Som ein Z.

Bilete lånt frå Stoff og Stil

Eg må innrømme at eg hadde litt vanskeleg for å halde meg alvorleg...
Men slikt sei ein då ikkje høgt,
han kunne fakstisk ha skada seg alvorleg!
Men....

Neste gong han kremtar lite diskret fordi eg stryk på fine lappestoff
skal eg minne han på kva som redda han den dagen han var
trampe-hardt-sur.

Finn, her kjem eg!

2010-03-05T09:01:00.006+01:00

Eg er krona Finn-dronning her i huset,
kanskje til og med i nabolaget, for det eg veit.
Alt eg eig av møblar har eg fått,
funne i ei veg-grøft eller kjøpt på Finn.
Kjæresten synes det er litt i overkant...

Til påske skal vi til Lillestrøm, kjæresten skal bli att der nede når eg reiser heim att,
han skal bli bestefar i april
og skal vente til prinsessa blir født før han vender nasen til Møre-kysten igjen.
Dette har vore bestemt lenge
og eg har vore for opptatt til å tenke over kva det faktisk betyr.

Kjæresten: Når du skal køyre heim att har du tom bil, har du tenkt over det?

Eg: Ja, det stemmer! Ungane skal flyge heim att etter påsketuren sin og du skal bli att... det blir ein kjedeleg biltur...

Kjæresten: Tom bil *kikar på meg for å sjå om eg tek poenget*

Eg: *tomt blikk*

Kjæresten: Du kan handle so mykje du vil på Finn og ta med deg heim att.
Med det same han sa det blei han heilt bleik om nebbet, for han skjønte at han hadde fortald meg noko eg ikkje hadde tenkt på
... enno...

Eg: Å herlighet!! Det har eg ikkje tenkt på!! *raske skritt mot pc*
Kjæresten: *tommare blikk*

Litt seinare den dagen tikka det inn ein sms frå kjæresten,
han har tydeleg vridd hjernen for å finne gode argument
MOT seg sjølv.

-"Skal du handle på Finn i påsken
så må du bli igjen der nede til 1.juli"

-?
(først tenkte eg: naaw, so søt han er, han kjem til å sakne meg
og vil at eg skal bli der nede saman med han... Men, neeida...)

-"Du har skrevet på bloggen din at du ikke skal handle nye klær og på Finn før 1. Juli"

Eg synes eg ser for meg det sjølvtilfredse gliset hans!
Svarte also!!

Men ...eg trur at eg,
med eit par sleipe triks,
skal klare å overbevise han om at eg var sinnsjuk
i akkurat det gjerningsøyeblikket.

I dag har eg starta morgonen med denne vakre cd`en.
Gine Gaustad Andersen har ei stemme som kan sjarmere den tøffaste.

Eg høyrde ho sang på opninga av Kulturhuset vårt
og bestemte meg for at eg skal eige alt av det ho gir ut!
(Dama er frå Vatne og ein fantastisk musikar!)

Tenårings-Princess

2010-03-04T11:07:00.006+01:00

So kom dagen eg aldri trudde ville kome, eg har blitt tenåringsmor.
Eg skjønar ikke kvar dagane har blitt av!

Her er ho, tenåringen vår, på veg til skule i dag tidleg.
Glad og førnøgd etter at ho fekk
bursdagssong,
pakkar,
vaflar
og tente lys
på senga i dag tidleg.

Princess er ei kreativ sjel;
ho strikkar, lagar smykker,
skriv, syng,
bloggar ,
dansar, teiknar
og likar å eksperimentere på kjøkkenet.
-og dagdrøymer-

I Finnskogen,
Princess tok den største abboren som nokon gong er fiska på
Nordre Morttjern,
rimeleg stolt ja!
Ikkje er ho redd for å gjere opp fisken etterpå heller,
ho snittar og renskar og vaskar som ein proff.
Etterpå grilla vi fangsten på bålet.

Grilling i fjøra her heime, telttur og kos med Mira.

Portrettbilete, nokre år gamle. Ho er berre nydeleg!

Fyrste skuledag på Bjørkelangen.
Her er det ikkje byggeplassen ein skal fokusere på,
men den søte jenta og den flotte solsikka;)

13 år med medgong og motgong, kjærleik og frustrasjon.
Eg kan ikkje tru at det er so lenge sidan prinsessa mi blei født,
nokre veker for tidleg.
Ho var so lita og nydeleg,
sov heile døgeret
og
var heile familien sitt midtpunkt.

Ho er fortsatt nydeleg,
ikkje so lita (høgare enn meg),
ho kan søve heile døgeret ..
og elskar å vere familien sitt midtpunkt!

Ting har ikkje forandra seg so mykje, med andre ord.

Eg er veldig glad i deg, snuppa mi!

Englane

2010-03-03T21:58:00.008+01:00

Det har vore krise i heimen og på syrommet ein periode.
Eg vil sy rosa ElleMeller-tunika, men det har vore tomt på lageret...

Plutseleg kom eg på at eg kunne sende mail til Lindas Sylyst.
Ho bur i nabolaget til Stoff & Stil, noko eg har vore grenselaust misunneleg på.
Nesten litt sur, faktisk:)
Kanskje ville ho hjelpe meg?
Det var iallefall verdt å prøve...

Svaret kom straks etter; klart ho ville hjelpe,
det var berre å sei kor mykje eg skulle ha!
Dama er ein engel!!
Tenk på det, dama har aldri møtt meg,
men likevel satte ho himmel og jord i bevegelse
for at eg skulle få stille sylysta mi...
(hihi, hysterisk artig ordspel;
Lindas sylyst stiller Ellemeller si sylyst!)

Ein telefon til ektemannen,
som fekk beskjed om å stikke innom stoffbutikken etter jobb
og kjøpe fleece!??!!....,
og saken var biff!

Tenke seg til!
Stakkars arme mannen, inn i damebutikken frå Hel***** ....

Om eg treff på han nokon gong skal han få verdas største klem!

No har stoffet kome i hus,
det har vist seg at englar fins,
både kvinnelege og mannlege!

Tusen takk til begge to!
Kjæresten helsar og takkar for at han slapp å køyre til Trondheim, Oslo
eller Kristiansand for å handle for meg;)

Ritsj-ratsj-filibombombom

2010-03-02T12:39:00.005+01:00

På søndag var vi på vinterpicnic,
to av søstrene Bruse og Lillebror.
Og ungane våre, sjølvsagt.

Princess har vore kreativ og laga eit snøhjarte.

Schærste-par!
Lille Lavendel-søs, hennar forlovede og deira to born.

Tuppen og Lillemor, søskenborn og verdas beste venar:)

På veg ned att, gutane heiv seg på kjelkane
og drog avgarde før eg fekk sukk for meg!

Lillebror og Snuppa.

Største prinsessene våre.
Dei kallar seg søsterborn.
Dei hadde hekta seg ihop og kom nedover bakkane
meir eller mindre kontrollert:)

Dette er påfyll av energi;
kjekt samvær,
sol,
fregner,
sjokolade,
glade ungar
og inga klokke å følge!

Mini-kurs i lysdekor

2010-02-28T21:38:00.004+01:00

For å dekorere lys treng du
Stearinlys, serviettar, saks, strykejarn og ei avis.

Start med å klippe ut motivet av servietten.
Du kan velge å bruke servietten slik den er
og tilpasse den størrelsen på lyset, eller å klippe ut motivet.
Bruk då ei skarp saks, du treng ikkje klippe ut nøyaktig,
det kan vere fint å ha ein liten kant utom motivet.

Eg har her brukt heile servietten,
klipt den til passe høgd og lagt den på lyset.

Start på ein ende og stryk deg utover.
Blir det små bulkar eller bobler?
Fortvil ikkje, gå berre over fleire gongar.
Det er viktig å bruke svakaste varme og ei lett hand.
Det er betre å gå over fleire gongar enn at stearinen flyt utover.

Eg har funne ut at det blir finast om eg jobbar med heile lengda på strykejarnet.
På små motiv er det viktig å ikkje stryke utanfor motivet...
då blir det ujamne merker på lyset.

Vips!
Lyset er ferdig på ein poff og ein smell...
og når du først er i gong so kan du like so godt produsere nokre.
Eit slikt lys lagar du på 10 min.

HUGS Å ALDRI FORLATE LYSET!
Servietten kan ta fyr,
det er lurt å skjere vekk papiret etterkvart som lyset brenn.

So til supertipset!! Kva gjer ein med strykejarnet?
Blir det ikkje øydelagt?
Nei, du kan stryke av stearinet etterkvart på ei avis.
Avisa sin tekstur og sikkert trykksverta
gjer at strykejarnet blir fint og blankt igjen.

Eg har for sikkerthets skuld kjøpt eit ekstra jarn,
men det er ikkje naudsynt, har eg funne ut:)

Då gjenstår det å ynskje lukke til!

...og vinnaren er...

2010-02-28T12:09:00.005+01:00

Eg ringde sonen min,

som har vore på overnatting og sat og åt frukost,

og ba han sei eit tal mellom 0 og 98.

Tamdadadammm!

Vinnaren av første lavendelhjarte frå ElleMeller er:

Paalandet!!

Princess fekk trekke neste vinnar:

*trommevirvel*

Vinnaren av andre lavendelhjarte frå ElleMeller er:

Datt!

Tusen takk for at so mange blei med, det var kjekt!

Gratulerer til begge vinnarane!

Send meg adressa på mail, so kjem pakken i løpet av nokre dagar:)

-svisj! Då skal vi på vinterpicnic saman med lille lavendel-